×

John Innes Centre: Birtaniyada bakalavrlar uchun 8 haftalik yozgi maktab; haftalik stipendiya va bepul turar joy taʼminalanadi!


Grant

MUHLAT

17.01.2022

QOLGAN VAQT

Muhlat tugagan

HUDUD

Buyuk Britaniya

O'QILGAN

3599 marta

Buyuk Britaniyada joylashgan John Innes markazi xalqaro bakalavrlar yozgi maktabiga arizalar qabul qilmoqda. Yozgi maktab butun dunyodan boʻlgan bakalavr talabalariga John Innes tadqiqot markazida 8 hafta davomida tadqiqot bilan shugʻullanish imkonini beradi.

Talabalar oʻsimliklar va mikrobiologiya fanlari boʻyicha tajribaga ega boʻladi, dunyoning yetakchi olimlari bilan muloqot qiladi hamda tadqiqot borasida tasavvurga ega boʻladi.

Ishtirokchilar mavjud tadqiqot loyihalaridan birida bevosita ishtirok etadi. Tadqiqot loyihalari va loyihani boshqaruvchi olimlar bilan BU YERDA tanishishingiz mumkin (2022 projects).

Har haftanng 1 kuni ilmiy muloqot, kompyuter dasturlash, joylarda oʻqganish, ilgʻor taqdimot koʻnikmalari va oldingi yillardagi talabalar bilan karyera boʻyicha muhokamalar kabi mashgʻulotlardan iborat taʼlim tadbirlariga bagʻishlanadi.

Shuningdek, sayrlar, mustaqil pitsa pishirish va barbekyu tayyorlash kabi mashgʻulotlar orqali jamoada ishlash hamda ijtimoiy aloqalarga oid koʻnikmalar ragʻbatlantiriladi.

Dastur yakunida talabalar goʻzal North Norfolk sohilida boʻlib oʻtadigan 2 kunlik konferensiyada taqdimot qiladi hamda oʻz tadqiqotlari natijalari bilan boʻlishadi.

Yozgi maktab 2022-yil 3-iyuldan 26-avgustgacha boʻlib oʻtishi rejalashtirilgan.

Grant kimlar uchun?

Bakalavriat bosqichi talabalari uchun

Batafsil ma'lumot uchun link

Grantning manfaatli jihatlari:

Yozgi maktabga qabul qilinganlar quyidagi imtiyozlarga ega boʻladi:

  • Haftasiga 250 funt-sterling stipendiya beriladi.
  • Bepul turar joy taʼminlanadi.
  • Trening, tadqiqot, seminarlar va ijtimoiy tadbirlardan iborat dasturga qatnahsish imkoniyadi.
  • Dunyo tan olgan olimlarning laboratoriyasida ish olib borish va ularning tadqiqotiga hissa qoʻshish imkoniyati.

Talablar:

Nomzodga qoʻyilgan talablar quyidagicha:

  • Istalgan davlat fuqarolari ariza topshirishi mumkin.
  • Nomzod ariza topshirish vaqtida bakalavriat bosqichida tahsil olayotgan boʻlishi hamda 1-kurs yoki oxirgi kurs talabasi boʻlmasligi kerak (birinchi va oxirgi kurs talabalari ariza topshira olmaydi).
  • Nomzod quyidagi sohalardan biri boʻyicha tahsil olayotgan boʻlishi kerak: Fizika fanlari, yer va atrof-muhit fanlari, kimyo fanlari, matematika, biologiya va biotibbiyot fanlari.
  • Nomzod ingliz tilini yetarli darajada bilishi lozim.

Talablar bilan BU YERDA batafsil tanishing (Condition of Award tugmasi bosiladi).

Dasturga qabul jarayoni:

Arizalar 2022-yil 17-yanvargacha onlayn tarzda BU YERDA qabul qilinadi. Nomzodlar ariza shaklidagi maydonlarni toʻldirishi va soʻralgan hujjatlarni yuklashi kerak. Ariza shaklida maksimal 800 soʻzdan iborat shaxsiy bayon (Personal Statement) ham yozish kerak. Ariza topshirishda nomzod 3 tagacha tadqiqot loyihasini tanlashi mumkin.

MUHIM: Ariza topshirishga kirishishdan oldin dastur haqidagi rasmiy eʼlon va dastur talablari (Condition of Award tugmasi bosiladi) bilan batafsil tanishib chiqing.

error: Ma‘lumotni nusxalash ta‘qiqlangan!