Juru kompaniyasi bakalavriatning 3-4-bosqich talabalari, magistratura talabalari va shu bosqichlarni bitirganiga 2 yildan oshmagan nomzodlar uchun haq toʻlanadigan amaliyot dasturini eʼlon qildi.
Amaliyot Juru kompaniyasining Toshkentdagi ofisida oʻtaladi va 3 oy davom etadi. Amaliyot 2024-yil 15-apreldan boshlanishi rejalashtirilgan.
Quyidagi lavozimlardan birida amaliyot oʻtash mumkin:
- RE Engineer (solar, wind)
- Electrical Engineer
- Power Systems Engineer
- SCADA/Automation Engineer
- Telecom Engineer
- I&C Engineer
- Civil Engineer
- HVAC Engineer
- Water Supply / Wastewater/ Drainage
- Architect
- Project Assistant
- General Layout
- Environmental
- Biodiversity
- Socio-Economic
- Energy Analyst/ Economist
- Low Carbon
- Hydrometeorological Engineer
- Topographic Survey
- BD Assistant
- HR Assistant
- Marketing Assistant
Juru haqida: Juru energetika sohasiga yoʻnaltirilgan xalqaro konsalting va muhandislik kompaniyasi hisoblanadi. Kompaniyaning shtab-kvartirasi Londonda joylashgan va Toshkentda ham yirik operatsion ofisi mavjud. Ushbu kompaniya 2015-yilda tashkil etilgan boʻlib, davlat va xususiy tashkilotlar uchun energiya, infratuzilma, binolar va atrof-muhit sohasida kompleks yechimlarni taqdim etish uchun mutaxassislar, tahlilchilar, muhandislar va dizaynerlarning dinamik jamoasini bir yerga toʻplagan.
Grant kimlar uchun?
Bakalavriatning 3-4-kurs talabalari, magistratura talabalari va OTMni bitirganiga 2 yildan oshmagan bitiruvchilar uchun
Batafsil ma'lumot uchun link
Grantning manfaatli jihatlari:
Amaliyotga qabul qilingan nomzodlar quyidagi imtiyozlarga ega boʻladi:
- Amaliyot davri uchun haq toʻlanadi.
- Dastur amaliy tajriba berish orqali bilimlaringizni real hayotda qoʻllashingizga yordam beradi.
- Amaliyotni muvaffaqiyatli tugatgandan keyin ishga joylashish imkoniyatlari mavjud.
- Treyninglar va ijtimoiy koʻnikmalarni oshirishga qaratilgan kurslarda ishtirok etish imkoniyati.
- Amaliyotni muvaffaqiyatli tugatgandan keyin tavsiyanoma beriladi.
- Toshkent markazidagi ofisda ishlash uchun qulay sharoit taqdim etiladi.
Talablar:
Nomzodlarga qoʻyilgan talablar quyidagicha:
- Nomzodlar bakalavriatning 3-4-kurs talabasi, magistratura talabasi yoki shu bosqichlarnini bitirganiga 2 yildan oshmagan boʻlishi kerak.
- Tartibli, tirishqoq va intiluvchan boʻlishi kerak.
- Ingliz tilini yuqori darajada bilishlari kerak (ayniqsa yozma).
- Muammolarni hal qilish qobiliyatiga va tahliliy koʻnikmalarga ega boʻlish kerak.
- Kuchli ogʻzaki va yozma muloqot koʻnikmalariga ega boʻlish kerak.
- Microsoft Office dasturlaridan yaxshi foydalana olish lozim.
- Nomzodlarning shunga oʻxshash sohada avvalgi amaliyot/ish tajribasiga ega bo’lishi, rus va oʻzbek tillarini bilishi qoʻshimcha afzallik hisoblanadi.
Dasturga qabul jarayoni:
Arizalar 2024-yil 29-fevralgacha qabul qilinadi.
Dasturga qabul jarayoni 3 bosqichda amalga oshiriladi.
1- bosqich: Ariza shaklini topshirish. Bunda nomzodlar maxsus ariza shaklini ingliz tilida toʻldirishi va topshirishi kerak. Ariza shakliga CV (ingliz tilida) yuklash talab etiladi. Arizalar 2024-yil 29-fevralgacha topshirilishi lozim.
2-bosqich: Test/vazifa bajarish. 1-bosqichdan muvaffaqiyatli oʻtganlar test/vazifa bajarishi kerak boʻladi.
3-bosqich: 2-bosqichdan muvaffaqiyatli oʻtganlar bilan yuzma-yuz suhbat qilinadi. Suhbatdan muvaffaqiyatli oʻtganlar dasturga qabul qilinadi.
Yakuniy natijalar 2024-yil 12-aprelda eʼlon qilinadi va amaliyot 2024-yil 15-apreldan boshlanadi.
MUHIM: Ariza topshirishga kirishishdan oldin rasmiy eʼlon bilan batafsil tanishib chiqing.
