Qisqa metrajli filmlar uchun Max3Min tanloviga arizalar qabul qilinmoqda. Tanlovga davomiyligi 3 daqiqadan oshmagan filmlar qabul qilinadi. Filmlar barcha janrlarda va tillarda bo’lishi mumkin. Tanlovning maqsadi qayta-qayta ko’rilsa ham yoqimli bo’ladigan, qisqa bo’lishiga qaramasdan o’zida katta mazmun aks ettira olgan filmlarni taqdirlash. Tanlovda ishtirok etish orqali ijodkorlar o’z mahoratlarini yana-da oshirishlari, tomoshabinlarga o’z g’oyalarini yetkazishlari va faoliyatlarini rivojlantirish uchun potensial hamkorlar bilan tanishishlari mumkin.
Grant kimlar uchun?
Professional va havaskor rejissorlar uchun
Batafsil ma'lumot uchun link
Grantning manfaatli jihatlari:
Tanlov g’olibiga film yaratish xarajatlari uchun 3 000 yevro pul mukofoti beriladi.
Talablar:
Tanlov qoidalari:
- Tanlovda istalgan millat vakillari ishtirok etishlari mumkin.
- Ishtirokchilar uchun yosh chegarasi mavjud emas.
- Tanlovga istalgan yo’nalish, mavzu va janrdagi, istalgan qurilma orqali tushirilgan qisqa metrajli filmlar qabul qilinadi.
- Taqdim etilgan film davomiyligi film nomini hisobga olmaganda 3 daqiqadan oshmasligi kerak.
- Tanlovga taqdim etilgan filmlar istalgan tilda bo’lishi mumkin, ammo ingliz tilida bo’lmagan filmlar uchun inglizcha subtitrlar qo’shilishi zarur.
- Bir ishtirokchi 3 tagacha qisqa metrajli film bilan ishtirok etishi mumkin.
- Tanlovga topshirilgan filmlar muallifga tegishli bo’lishi zarur.
Dasturga qabul jarayoni:
Tanlovga arizalar 2021-yil 14-yanvargacha qabul qilinadi. Ishtirok etish uchun bu yerda ro’yxatdan o’tishingiz kerak. Hujjat topshirish uchun to’lov talab qilinmaydi. Filmlar MP4, MOV, WMV, AVI, yoki FLV formatida bo’lishi kerak.
Murojaat uchun: info@max3min.com
