Yoshlar akademiyasi “Ilm innovatsiya va taraqqiyot” videoroliklar ko‘rik-tanloviga start berilganini eʼlon qildi. Ushbu videoroliklar ko‘rik-tanlovning asosiy maqsadi – yoshlarning zamonaviy texnika va texnologiyalarga boʻlgan qiziqishlarini qoʻllab-quvvatlash, ularda innovatsion tafakkur va yaratuvchanlik qobiliyatini rivojlantirishdan iborat.
Koʻrik-tanlov quyidagi 3 yoʻnalish boʻyicha oʻtkaziladi:
- Buyuk ajdodlar merosi
- Men ixtirochiman
- Eng kreativ animatsion rolik
Grant kimlar uchun?
16-30 yoshli barcha uchun
Batafsil ma'lumot uchun link
Grantning manfaatli jihatlari:
Har bir yoʻnalish boʻyicha 3 nafar (jami 9 nafar) sovrindor aniqlanadi va ular quyidagicha taqdirlanadi:
- 1-oʻrinlar: har biri uchun 15 million pul mukofoti, gʻoliblik statuetkasi va maxsus sertifikat.
- 2-oʻrinlar: har biri uchun — 10 million pul mukofoti, gʻoliblik statuetkasi va maxsus sertifikat.
- 3-oʻrinlar: har biri uchun 5 million pul mukofoti, gʻoliblik statuetkasi va maxsus sertifikat.
Talablar:
Tanlovda qatnashish uchun nomzodlarga qoʻyilgan talablar quyidagicha:
- 16 yoshga to‘lgan va 30 yoshdan oshmagan iqtidorli yoshlar qatnashishi mumkin.
- Har bir ishtirokchi faqat bir yoʻnalishda, bitta videorolik bilan ishtirok etishi mumkin.
- Videorolikni yaratishda boshqa roliklardan foydalanish qatʼiyan man etiladi.
- Har bir ishtirokchi videorolik uchun javobgar.
- Ikkita ishtirokchi birgalikda yoki jamoa boʻlib ishtirok etishi taqiqlanadi.
Taqdim etiladigan videoroliklarga qoʻyilgan talablar quyidagicha:
- Davomiyligi eng kamida 1:30 dan 3:00 daqiqagacha davom etishi shart.
- Formati mp4 (FullHD 1920*1080), (1080R), (albom) shaklda boʻlishi lozim.
- Tasvir albom shaklda aks etgan videolar qabul qilinadi. Albom shakl qanday ekanini BU YERDA koʻrib olishingiz mumkin.
- Ovoz va video sifati yuqori darajada boʻlishi kerak
Koʻrik-tanlovga joʻnatilgan videoroliklar quyidagi maqsad va vazifalarni oʻz ichiga olishi kerak:
- holi va yoshlar oʻrtasida innovatsion gʻoyalarni targʻib etishi.
- Kundalik va turmush tarziga qoʻllay oladigan va qulay tushunarli boʻlishi.
- Kreativ gʻoyalarga ega boʻlishi.
- Videorolikda qonunchilikka va odob-ahloqqa zid boʻlgan lavhalar boʻlmasligi lozim.
Dasturga qabul jarayoni:
Tanlovga arizalar 2022-yil 30-sentabr, soat 18:00 gacha qabul qilinadi. Arizani BU YERDA toʻldirish va topshirish mumkin. Arizani toʻldirishda barcha maʼlumotlar lotin alifbosida kiritilishi lozim.
Tanlovga qabul yakunlangach, topshirilgan ishlar 1 oy muddat davomida tanlov komissiyasi tomonidan koʻrib chiqiladi.
Koʻrik-tanlovda gʻolib boʻlganlarni aniqlash ikki bosqichda amalga oshiriladi:
- 1-bosqichda taqdim etilgan videoroliklar Innovatsion rivojlanish vazirligining tegishli boʻlinmasi tomonidan texnik ekspertizadan oʻtkaziladi. Bunda ishtirokchilar toʻgʻrisidagi maʼlumotlar va videoroliklar tanlov talablariga muvofiq ekanligi tekshiriladi.
- 2-bosqichda texnik ekspertizadan saralab olingan videoroliklar ko‘rik-tanlov komissiyasi tomonidan belgilangan baholash
mezonlari asosida baholanadi hamda har bir yoʻnalish boʻyicha eng yuqori ball to‘plagan gʻoliblar aniqlanadi. Baholash mezonlari bilan tanlov nizomining 14-bandida tanishishingiz mumkin.
Tanlov gʻoliblarini taqdirlash marosimi 2022-yil noyabr oyida boʻlib oʻtadi.
MUHIM: Tanlovda ishtirok etishga kirishishdan oldin tanlov nizomi va rasmiy eʼlon bilan batafsil tanishib chiqing.
