Princeton Universitetining Lewis Center for the Arts markazi mehnat faoliyatini boshlaganiga koʻp boʻlmagan, yosh, favqulodda qobiliyatli va umidli sanʼatkor hamda ijodkorlarga Princeton Arts Fellowships grant dasturini taklif etadi. Dasturga bastakor, dirijyor, musiqachi, raqqos, xoreograf, ijrochi, rassom, konorejissyor, yozuvchi, shoir, dramaturg, dizayner va boshqa turdagi sanʼatkor/ijodkorlar ariza berishlari mumkin.
2023-yilgi qabulda faqat quyidagi sohalardagi mutaxassislardan arizalar qabul qilinadi:
- Creative Writing (ijodkorona yozish). “Creative Writing” nima ekani va bu soha vakillari kimlardan iborat ekani haqida BU YERDA batafsil maʼlumot oling.
- Theater (teatrt).
- Visual Arts (tasviriy sanʼat).
Princeton Arts Fellowships dasturining asosiy maqsadi sanʼatning istalgan turi bilan shugʻullanadigan iqtidorli ijodkorlarni qoʻllab-quvvatlash va ularning oʻz bilimlarini kelajak avlodga yetkazishini ragʻbatlantirishdir. Amaliyot dasturi 2 oʻquv yiliga moʻljallangan boʻlib, qatnashchilar amaliyotdan tashqari har semestrda fakultet dekani tomonidan tasdiqlangan reja boʻyicha talabalarga dars berishlari yoki biror badiiy loyihani amalga oshirishlari (spektakl sahnalashtirish, talabalar bilan yangi raqs yaratish va h.k) talab etiladi. Dastur doirasida har yili 2-3 nafar sanʼatkor/ijodkorga grant ajratiladi.
Grant kimlar uchun?
Sanʼatkor va ijodkorlar uchun
Batafsil ma'lumot uchun link
Grantning manfaatli jihatlari:
Dasturga qabul qilinganlarga 2 oʻquv yili davomida yiliga:
- 90 000 AQSh dollar stipendiya;
- Tadqiqot xarajatlari uchun qoʻshimcha 5000 AQSh dollar;
- Taʼlim qurollari uchun 2000 AQSh dollar miqdorida mablagʻ ajratiladi.
Talablar:
Nomzod quyidagi talablarga mos boʻlishi kerak:
- Nomzod istalgan davlat fuqarosi boʻlishi mumkin.
- 2023-yildagi qabul qabulga faqat ijodkora yozish, teatr va tasviriy sanʼat sohasidagi mutaxassislar ariza topshirishi mumkin.
- Nomzod mehnat faoliyatini boshlanagiga koʻp boʻlmagan, yosh, favqulodda qobiliyatli va umidli sanʼatkor boʻlishi zarur.
- Princeton Universityʼda PhD darajasini olgan sanʼatkorlar dasturga ariza bera olmaydilar.
- Grantdan PhD kurslarini moliyalashtirish uchun foydalanib boʻlmaydi.
- Nomzod, gʻolib boʻlgan taqdirda, oliygohda amaliyot oʻtash bilan birga va har semestrda biror kurs boʻyicha talabalarga dars berishga yoki biror badiiy loyihani amalga oshirishga (spektakl sahnalashtirish, talabalar bilan yangi raqs yaratish va x.k) qiziqish bildirishi kerak.
- Har bir nomzod Princeton Arts Fellowships dasturiga hayoti davomida faqat ikki marta ariza berishi mumkin.
Dasturga qabul jarayoni:
Navbatdagi (2024-yilgi) Princeton Arts Fellowships dasturi uchun arizalar qabul qilish 2023-yil 1-iyuldan boshlanadi va 2023-yil 12-sentyabrgacha davom etadi. Saralashdan oʻtgan nomzodlar 2022-yil noyabr oyida eʼlon qilinadi. 2022-yil dekabr oyida suhbat oʻtkaziladi hamda yakuniy natijalar 2024-yilning fevral oyida eʼlon qilinadi.
Kerakli hujjatlar:
- Onlayn ariza.
- CV/ruzyume.
- Proposal (nomzodning 2 yillik dasturga moʻljallangan badiiy va oʻqitish loyihasi aks etishi va 750 soʻzdan oshmasligi zarur).
- Nomzodning ijodiy ishlaridan namuna. Nomzodning nashr etgan ishlari inglizcha boʻlishi shart emas. Lekin namuna sifatida arizaga qoʻshib yuboriladigan ishning inglizcha tarjimasi ham (agar boshqa tilda boʻlsa) yuborilishi kerak.
MUHIM: Yuqoridagi hujjatlar umumiy tarzda keltirilgan. Bu hujjatlar, ularning toʻliq tavsifi bilan BU YERDA tanishib chiqing (“What are the steps in submitting a Princeton Arts Fellowship application?” boʻlimi).
Dastur haqidagi toʻliq ma’lumotni grant beruvchining rasmiy saytidan yoki savol-javoblardan bilib olishingiz mumkin.
Murojaat uchun:
E-mail: lca-fellowships@princeton.edu
