×

Gollandiya: magistraturada o’qish uchun grant; joy – 30ta!


Grant

MUHLAT

01.03.2019

QOLGAN VAQT

131 kun

HUDUD

Gollandiya

O'QILGAN

1443 marta

Gollandiyada joylashgan Radboud universitetining ingliz tilida o’qitiladigan magistratura kurslari uchun ajratilgan Radboud Scholarship Programme grant dasturiga arizalar qabul qilinmoqda. ushbu grant dasturi iqtidorli va bilimga chanqoq chet ellik talabalarni moddiy jihatdan qo’llab-quvvatlash uchun ajratilgan. Har yili taxminan 30 nafar talabaga  Radbound universiteti grantini yutib oladi. Quyidagi magistratura kurslariga grant yutib olish mumkin:

Historical, Literary and Cultural Studies           

Linguistics and Communication Sciences         

International and European Law                        

Biomedical Sciences                                                 

Molecular Mechanisms of Disease                     

Philosophy                                                                  

Biology                                                                          

Chemistry                                                                    

Computing Science                                                   

Mathematics                                                              

Medical Biology                                                         

Molecular Life Sciences                                           

Physics & Astronomy                                              

Science                                                                          

Artificial Intelligence                                                

Behavioural Science                                                 

Cognitive Neuroscience                                          

Social and Cultural Science.

Grant kimlar uchun?

Magistraturada o’qishni xohlovchilar uchun

Batafsil ma'lumot uchun link

Grantning manfaatli jihatlari:

Ushbu grant dasturi doirasida moddiy yengillik yaratilgan talabalarga quyidagi imkoniyatlar yaratib beriladi:

  1. Talabaning kontrakt miqdori qancha bo’lishidan qat’iy nazar u 2078 yevro miqdoriga tushiriladi, ya’ni, talaba to’lashi kerak bo’lgan kontrakt 2018 yevro bo’ladi.
  2. Talabaning viza va sug’urta xarajatlari qoplab beriladi.

Grant boshqa turdagi moddiy ta’minotni o’z ichiga olmaydi. Birchet ellik talabaning Gollandiyada bir yil yashashi uchun ketadigan xarajatlar grant qoplayotgan xarajatni ayirib tashlanganda ham taxminan 11000 yevroga teng. Gollandiyada yashash xarajatlari haqida batafsil ma’lumot bilan bu yerda tanishing.

Talablar:

Grant quyidagi talablarga eng mos nomzodlarga beriladi:

  1. Nomzod Yevropa Ittifoqi yoki Yevropa Iqtisodiy Hududiga kirmaydigan davlat fuqarosi bo’lishi kerak.
  2. Nomzod bakalavr diplomiga ega bo’lishi yoki bakalavr kursini tamomlayotgan bo’lishi kerak. U hayoti davomida hech qachon Gollandiyada o’qimagan bo’lishi zarur.
  3. Nomzod ingliz tilini a’lo darajada bilishi kerak.
  4. Nomzod Radboud universitetdagi ingliz tilida o’qitiladigan va 2019-yil sentabrda boshlanadigan magistratura kurslaridan biriga o’qishga qabul qilingan bo’lishi zarur.
  5. Nomzod Gollandiyaga viza olish imkoniga ega bo’lishi lozim.

Dasturga qabul jarayoni:

Grant uchun alohida hujjat topshirish shart emas. Magistratura kursiga ariza topshirish vaqtida grant yutib olish haqidagi bandda shu grantga ham ariza berish tanlanadi va sizdan kursga qabul uchun so’ralgan hujjatlarga qo’shimcha tarzda CV va ikkita tavsiyanoma taqdim etish so’raladi.

Nomzodlar a’lo baholari, namunali tavsiyanomalar, motivatsion xat va iqtidorlariga asosan saralanadilar, natijalar 2019-yil may oyi o’rtalarida e’lon qilinadi.

Ma’lumot uchun rsp@io.ru.nl elektron manziliga murojaat qilishingiz mumkin.

error: Ma‘lumotni nusxalash ta‘qiqlangan!