Rossiyaning «Global Universities» Assotsiatsiyasi Open Doors olimpiadasida qatnashishga taklif etadi. Ushbu olimpiadada Rossiya universitetlarining bakalavriat, magistratura, PhD va postdoktorantura bosqichida tahsil olish istagida boʻlgan barcha nomzodlar ishtirok etishlari mumkin. Olimpiada gʻoliblari Rossiyadagi istalgan universitetda toʻliq grant asosida oʻqish imkoniyatiga ega boʻladi. Oʻqish ingliz yoki rus tilida olib boriladi (tanlangan universitet, fakultetga qarab taʼlim tili turlicha boʻladi). Agar gʻolib rus tilida oʻqimoqchi boʻlsa va uning rus tili darajasi yetarl boʻlmasa, rus tili boʻyicha tayyorlov kursida tahsil olish huquqiga ham ega boʻladi.
Olimpiada ingliz va rus tillarida oʻtkaziladi. Olimpiada onlayn tarzda boʻlib oʻtadi va unda ishtirok etish bepul.
Olimpiada 14 ta yoʻnalish boʻyicha boʻlib oʻtadi. Ushbu yoʻnalishlar roʻyxati va ularning taʼrifi bilan BU YERDA batafsil tanishing.
Odatda mazkur olimpiada boʻyicha har yili 400 nafargacha ishtirokchi Rossiyada grant asosida oʻqish imkoniyatini qoʻlga kiritadi.
Grant kimlar uchun?
Magistratura va PhD bosqichida tahsil olishni istaganlar uchun
Batafsil ma'lumot uchun link
Grantning manfaatli jihatlari:
Olimpiada gʻoliblari (winners) quyidagi imkoniyatlarga ega boʻladi:
- 2024-2026 oʻquv yilida Rossiyadagi mos keladigan bakalavriat, magistratura, PhD yoki postdoktorantura bosqichi yoʻnalishlaridan biriga imtihonsiz va kirish toʻlovisiz kirish.
- Gʻoliblarningbakalavriat, magistratura, PhD yoki postdoktorantura bosqichida oʻqish toʻlovi (toʻlov-kontrakt summasi) Rossiya hukumati tomonidan toʻliq qoplab beriladi.
- Rus tilida oʻqishni xohlagan, lekin rus tilini yetarlicha bilmaydigan bakalavriat, magistratura va PhD bosqichi gʻoliblari rus tili boʻyicha bepul tayyorlov kursida oʻqishi mumkin.
- Universitetlar tomonidan oylik stipendiya berilishi mumkin. Stipendiya miqdori universitetga qarab farq qiladi.
Talablar:
Nomzodlar quyidagi talablarga mos boʻlishi kerak:
- Rossiya Federatsiyasidan boshqa barcha davlatlar fuqarolari yoki fuqaroligi boʻlmagan shaxslar ishtirok etishi mumkin.
- Bakalavriat uchun olimpiadada qatnashmoqchi boʻlganlar oʻrta maxsus taʼlim/umumiy oʻrta taʼlim diplomiga ega boʻlishi yoki maktab / litsey / kollejda oxirgi sinf/kurs oʻquvchisi boʻlishi kerak.
- Magistratura uchun olimpiadada qatnashmoqchi boʻlganlar bakalavrlik diplomiga ega boʻlishi yoki oxirgi kurs talabasi boʻlishi kerak.
- PhD bosqichi uchun olimpiada qatnashmoqchi boʻlganlar magistrlik diplomiga ega boʻlishi kerak.
- Postdoktorantura bosqichi uchun olimpiadada qatnashmoqchi boʻlganlar PhD, fan doktori yoki fan nomzodi darajasiga ega boʻlishi hamda 39 yoshdan katta boʻlmasligi kerak.
- Nomzod ingliz yoki rus tilini yetarli darajada bilishi kerak. Olimpiada ham ingliz va rus tillari boʻladi, hujjatlarni ham yo ingliz tilida, yoki rus tilida topshirish lozim.
Olimpiadaga oid talab va cheklovlar bilan BU YERDA batafsil tanishing (tilni ingliz yoki rus tilida almashtirib oʻqib chiqish mumkin).
Dasturga qabul jarayoni:
Olimpiadada qatnashish uchun olimpiada platformasida roʻyxatdan oʻtish va portfolio toʻldirish lozim. Bakalavriat, magistratura va PhD bosqichida oʻqishni xohlovchilar uchun roʻyxatdan oʻtish va portfolio toʻldirishning oxirgi muddati – 2024-yil 20-noyabr. Postdoktorantura uchun roʻyxatdan oʻtish va portfolio toʻldirishning oxirgi bosqichi – 2024-yil 10-dekabr.
Nomzodlarni saralash bir necha bosqichlarda amalga oshiriladi. Ushbu bosqichlar, ular qanday va qachon oʻtkazilishi haqida BU YERDA batafsil tanishing.
Gʻoliblar eʼlon qilingandan soʻng, gʻoliblar oʻqish uchun universitetni oʻzlari tanlaydi. Universitetdagi yoʻnalish esa gʻolibning olimpiadada qantashgan yoʻnalishiga mos boʻlishi lozim.
Gʻoliblar grant asosida oʻqishga xalqaro talaba sifatida qabul qilinishi uchun kerakli hujjatlarni topshirishi kerak boʻladi. Ushbu hujjatlar roʻyxati olimpiada natijalari eʼlon qilingandan keyin olimpiada loyihasi maʼmuriyati tomonidan email orqali eʼlon qilinadi.
MUHIM: Olimpiada ishtirokni boshlashdan oldin olimpiada qoidalarini va olimpiada rasmiy saytidagi barcha maʼlumotlarni batafsil oʻqib chiqing (saytda tilni rus yoki ingliz tiliga almashtirish mumkin).
Savollar yuzasidan BU YERDA murojaat qilishingiz mumkin.
