AQSHning Missuri shtatida joylashgan Saint Louis University bakalavr bosqichi talabalariga The Billiken, Ignatian, University, Deans’ Scholarships, Vice Presidents’ Scholarships kabi bir qator grant dasturlarini taklif etmoqda. Grantlarning barchasi 2022-yilda oliygohning bakalavr kurslaridan birida oʻqishini boshlaydigan talabalar uchun moʻljallangan. Grant dasturidan maqsad aʼlochi, iqtidorli, yuqori potensialli talabalarni moddiy jihatdan qoʻllab-quvvatlash.
Grant kimlar uchun?
Bakalavr bosqichida oʻqishni xohlovchilar uchun
Batafsil ma'lumot uchun link
Grantning manfaatli jihatlari:
Grantlar 4 yillik bakalavr kursi davomida yillik 8000 dan 25 000 AQSh dollarigacha miqdorda ajratiladi. Grantning keyingi oʻquv yiliga uzaytirilishi uchun talabaning GPA koʻrsatkichi 2.0/4.0 dan 3.2/4.0 ballgacha (grant turiga qarab) boʻlishi talab etiladi.
Talablar:
Nomzodga qoʻyilgan talablar quyidagicha:
- Nomzod istalgan davlat fuqarosi boʻlishi mumkin.
- Nomzod St. Louis Universityʼning 2022- yilda boshlanadigan bakalavr kursiga (full time) hujjat topshirishi kerak.
- Nomzod universitet qabul talablariga javob berishi kerak.
- Nomzod yuqori akademik koʻrsatkichlarga ega boʻlishi kerak.
- Nomzod ingliz tilini yaxshi bilishi zarur (kamida IELTS 6.5/TOEFL iBT 80 ball).
Nomzodlarga qoʻyilgan talablar bilan shu yerda batafsil tanishing.
Dasturga qabul jarayoni:
Grant dasturiga alohida hujjat topshirish talab etilmaydi. Universitetning bakalavr bosqichiga qabul qilingan talabalarning barchasi avtomatik tarzda grant uchun nomzod hisoblanadi.
Universitetga hujjat topshirish uchun nomzod 2021-yil 1-dekabrgacha BU YERDA onlayn arizani toʻldirishi va talab etilgan hujjatlarni taqdim etishi kerak. Ariza namunasi: shu yerda.
Kerakli hujjatlar:
- Onlayn ariza
- Maktab attestati, kollej/litsey diplomi
- Baholardan koʻchirma (diplom ilovasi)
- Til sertifikati (kamida IELTS 6.5 yoki TOEFL iBT 80 ball).
- CV/rezyume
- Tavsiyanoma
Hujjat topshirish jarayoni haqidagi batafsil ma’lumot shu yerda.
Grant haqidagi qoʻshimcha ma’lumotni grant beruvchining rasmiy saytidan bilib olishingiz mumkin. Murojaat uchun:
Tel: 1-800-758-3678
E-mail: admission@slu.edu.
