×

Shotlandiya: Biznes boʻyicha bakalavr bosqichini oʻqish uchun qisman grantlar


Grant

MUHLAT

20.11.2019

QOLGAN VAQT

Muhlat tugagan

HUDUD

Buyuk Britaniya

O'QILGAN

1405 marta

Shotlandiyada joylashgan The University of Dundee Boyack Bursarydasturiga arizalar qabul qilmoqda. Grant biznes va buxgalteriya boʻyicha bakalavr bosqichida oʻqishni istagan talabalar uchun moʻljallangan. Grant 4-5 yilgacha beriladi. Grant aʼlochi, tirishqoq, oʻqishga qiziquvchi, ijtimoiy va darsdan tashqari tadbirlarda faol talabalarni moddiy ragʻbatlantirish uchun tashkil qilingan.

Grant kimlar uchun?

Bakalavr bosqichida oʻqishni xohlovchilar uchun

Batafsil ma'lumot uchun link

Grantning manfaatli jihatlari:

The University of Dundee bakalavr kurslarida oʻqish toʻlovi yiliga taxminan 16 450 dan 25 000 funt-sterlinggacha.

Grant yutib olgan nomzodga besh yilgacha har yilga yashash xarajatlari uchun mablagʻ ajratiladi. Stipendiya hajmi talabaning iqtidori, salohiyati va a’lo baholaridan kelib chiqib beilgilanadi.

Talablar:

Nomzod quyidagi talablarga mos boʻlishi kerak:

  • Barcha davlatlardan nomzodlar ariza bera oladi.
  • Dandi universitetining biznes yoki buxgalteriya bakalavriat kursiga oʻqishga kirgan boʻlishi kerak.
  • Oʻqishga kirgan nomzod “chet el fuqarosi” statusiga ega boʻlishi kerak. Dandi universitetiga kirayotgan talaba uchun Buyuk Britaniya, Yevropa Ittifoqi va shu ikki toifaga kirmaydigan boshqa davlat, yaʼni chet el fuqarosi statuslaridan biri tanlanadi. Shu tanlovga chet el fuqarosi statusi koʻrsatiladi.
  • Nomzod aʼlochi boʻlishi zarur.
  • Nomzod Burgh of Monifiethga a’zo boʻlishi lozim.
  • Nomzod moliyaviy koʻmakka muhtoj boʻlishi kerak.
  • Nomzod ingliz tilini yaxshi bilishi lozim. Tilni qay darajada bilish kerakligi nomzod qaysi kursga hujjat topshirishiga qarab farq qiladi. Odatda IELTS kamida 6.5 boʻlishi talab qilinadi. Batafsil maʻlumotni sizni qiziqtirgan kurs sahifasidan olishingiz mumkin.

Dasturga qabul jarayoni:

Grant universitetda oʻqitiladigan biznes, buxgalteriya bakalavr kurslarda oʻqish uchun beriladi. Shuning uchun nomzod avval universitetdagi oʻzi tanlagan kursga ariza berishi kerak. Keyin esa grantga alohida ariza berish lozim. Dedlayn – 20-noyabr.

Oʻqishga kirish uchun ariza topshirishish quyidagicha amalga oshiriladi:

  • Avval universitetning qidiruv sahifasidan kerakli kursini toping.
  • Overview boʻlimida kurs haqida maʼlumot berilgan. Batafsil tanishing. Bu boʻlimda kurs haqida umumiy maʼlumt berilgan.
  • Entry Requirements boʻlimida oʻqishga kirish talablari koʻrsatilgan.
  • Fees & Funding boʻlimida kurs uchun qancha kontrakt toʻlash kerakligi ham yozilgan.
  • Ingliz tili uchun koʻrsatilgan talablar bilan tanishing. Sertifikatingiz shu talablarga javob berishi kerak.
  • Your Application boʻlimidan ariza shaklini olib, toʻldiramiz. Barcha ariza shakllarida kurslarning dedlayni berilgan. Arizaga kerakli hujjatlarni ilova qilib, joʻnating.
  • Grantga ariza topshirish. Ariza shaklini My Dundee in My Organisations\School of Social Sciences\Business & Management Studies (UDSB)\Undergraduate\Boyack Bursary boʻlimidan oling va toʻldirib, joʻnating.
  • Grant boʻyicha savollarni m.campbell@dundee.ac.uk manziliga bogʻlanib aniqlash lozim. (agar zarur boʻlsa).

Kerakli hujjatlar tarkibi:

  • Attestat/diplom va diplom ilovasi nusxasi.
  • Ingliz tili testi (kamida IELTS 6.0 yoki roʻyxatda berilgan ekvivalent) sertifikati. Har bir kurs sahifasida til bilish darajasi haqida maʼlumot berilgan. Kurslarga qarab maʼlumotlar farq qiladi. Ariza toʻldirishdan oldin buni toʻliq oʻrganib chiqing.
  • Boshqa sertifikatlar. Masalan, GRE/GMAT/ACT kabilar soʻralishi mumkin. Qoʻshimcha hujjatlarni tanlagan kursingiz sahifasidan aniqlang.
  • Pasport nusxasi.
  • Moliyaviy ahvolingiz haqida maʼlumotnoma soʻralishi mumkin.
  • Viza haqida maʼlumot talab qilinishi mumkin.
  • Har bir kurs sahifasida qoʻshimcha savolla tugʻilganda bogʻlanish uchun elektron pochta manzili berilgan. Biror muammo paydo boʻlsa, shu manzil orqali aniqlang.

Qaysi kursga hujjat topshirayotganligingizga qarab boshqa hujjatlar ham soʻraladi. Shuning uchun oʻzingiz tanlagan kurs maʻlumotlarini oʻqib chiqing.

Nomzodlarni saralash ularning aʼlo baholari va yutuqlari, intiluvchanligi, sohaga qiziqishi, ijtimoiy faolligi, volontyorlik faoliyatida qatnashganligi kabilarga koʻra amalga oshiriladi.

Grant dasturi uchun 2019-yil 20-noyabrgacha ariza berish mumkin. Natijalar dedlayn muddatidan keyin tez fursatda elektron pochta orqali xabar qilinadi.

Grant masalasida savollar tugʻilganda murojaat uchun: j.m.campbell@dundee.ac.uk

error: Ma‘lumotni nusxalash ta‘qiqlangan!