×

Skoltech: Rossiyada magistratura va PhD bosqichida oʻqish uchun toʻliq grant va oylik stipendiya; joy – 399 ta!


Grant

MUHLAT

16.07.2021

QOLGAN VAQT

95 kun

HUDUD

Rossiya Federatsiyasi

O'QILGAN

5672 marta

Rossiyaning Moskva shahrida joylashgan SkoltechSkolkovo fan va texnologiya instituti 2021–2022-oʻquv yilida boshlanadigan magistratura va Phd bosqichlari uchun arizalar qabul qilmoqda. Institutdagi barcha darslar ingliz tilida olib boriladi. Mazkur oliy taʼlim muassasasiga bu yil 285 nafar magistrant va 114 nafar PhD bosqichi talabalari qabul qilinadi. Qabul qilingan barcha talabalarga avtomatik tarzda grant beriladi.

Grant kimlar uchun?

Magistratura va aspirantura (PhD) bosqichida oʻqishni xohlovchilar uchun

Batafsil ma'lumot uchun link

Grantning manfaatli jihatlari:

Oʻqishga qabul qilingan magistratura va PhD bosqichi talabalari avtomatik tarzda quyidagi imtiyozga ega boʻladi:

  • Bepul oʻqish. Yaʼni kontrakt summasi toʻlanmaydi.
  • Bepul tibbiy sugʻurta bilan taʼminlanadi.
  • Oylik stipendiya bilan taʼminlanadi. Magistratura talabalariga standart oylik stipendiyasi 40 000 rubl (taxminan 519 AQSH dollari)ni, PhD talabalarining standart oylik stipendiyasi esa 75 000 rubl (taxminan 973 AQSH dollari)ni tashkil etadi. Lekin qabul jarayonidagi natijalarga qarab, talabalarga bundan koʻproq miqdordagi stipendiya ham berilishi mumkin.

Talablar:

Nomzod quyidagi talablarga mos boʻlishi kerak:

  1. Nomzod istalgan davlat fuqarosi boʻlishi mumkin.
  2. Nomzodning bakalavr (magistratura kursiga) yoki magistr (PhD kursi uchun) diplomi boʻlishi kerak.
  3. Nomzod magistratura yoki aspirantura (PhD) kurslaridan biriga qabul qilingan boʻlishi/qabul qilinishi kerak.
  4. Barcha darslar ingliz tilida olib boriladi. Shuning uchun nomzod ingliz tilini yaxshi bilishi kerak. Nomzoddan kamida IELTS 6,0/TOEFL iBT 80 ball sertifikati talab qilinadi. Til sertifikatiga ega boʻlmaganlar sertifikatni keyinchalik taqdim etishi yoki universitetdagi ingliz tili testidan oʻtishi mumkin.

Dasturga qabul jarayoni:

Grant uchun alohida ariza topshirilmaydi. Tanlangan yoʻnalishga qabul qilingan talaba grantni ham qoʻlga kiritag hisoblanadi. Magistratura uchun hujjatlar 20210-yilning 16-iyuligacha, PhD bosqichi uchun hujjatlar esa 2021-yilning 1-avgustigacha qabul qilinadi.

Magistratura bosqichida mavjud yoʻnalishlar bilan BU YERDA tanishing (Программы магистратуры).

PhD (aspirantura) bosqichida mavjud yoʻnalishlar bilan BU YERDA tanishing (Программы аспирантуры).

Magistraturaga qabul

Magistarturaga qabul quyidagicha shaklda amalga oshiriladi:

  1. Ariza topshirish. Dastlab BU YERDA onlayn ariza toʻldiriladi va quyidagi hujjatlar tizimga yuklanadi:
    – CV/rezyume.
    – Motivatsion xat.
    – 2 ta tavsiyanoma.
    – Bakalavriat diplomi yoki baholari.
    – IELTS kamida 6.0 yoki TOEFL iBT kamida 80 ball yoki ekvivalent. Nomzodda til sertifikati boʻlmasa, uni keyinchalik topshirishi yoki institutdagi TOEFL iTP testidan oʻtish mumkin.
  2. Onlayn test topshirish. Barcha hujjat topshirgan abituriyentlar onlayn testdan oʻtadi. Testni qanchalik yaxshi yechsangiz, keyingi bosqichga oʻtish ehtimolingiz shuncha yuqori boʻladi. Avvalgi yilgi testlardan namunalarni shu yerdan olish mumkin.
  3. Saralash bosqichi. Test bosqichidan muvaffaqiyatli oʻtganlar suhbat hamda ingliz tilidan testini topshirishga taklif etiladi. Suhbat va test Skoltech institutida boʻlib oʻtadi. Baʼzi dasturlar uchun yozma imtihon topshirish ham talab etilishi mumkin.

Magistraturaga hujjat topshirishdan avval batafsil: yoʻriqnoma bilan tanshing.

PhD (aspirantura) bosqichiga qabul

PhD bosqichiga qabul quyidagicha amalga oshiriladi:

  1. Ariza topshirish. Dastlab onlayn ariza toʻldiriladi va quyidagi hujjatlar tizimga yuklanadi:
    – Motivatsion xat.
    – CV/rezyume.
    – 2 ta tavsiyanoma.
    – IELTS kamida 6,0 yoki TOEFL iBT kamida 80 ball yoki ekvivalent. Nomzodda til sertifikati boʻlmasa, uni keyinchalik topshirishi yoki institutdagi TOEFL iTP testidan oʻtish mumkin.
    – Nomzod oʻqigan bosqichlarning diplomlari va ilovalari.
    – Ariza topshirish jarayonida tanlangan soha boʻyicha ilmiy rahbar koʻrsatilishi kerak. Ilmiy rahbarlar haqida ma’lumot PhD kurslarning sahifalarida mavjud. Tanlagan ilmiy rahbaringizning ismi-sharifi, e-mail va telefonlarini koʻrsatish lozim.
  2. Saralash bosqichi. Bu bosqichda nomzodlar suhbatdan oʻtadi. Til sertifkati yoʻqlar ingliz tilidan testidan ham oʻtadi.

Aspitanturaga hujjat topshirishdan avval batafsil yoʻriqnoma bilan tanshing.

Hujjat topshirish bepul. Magistratura uchun ham, PhD uchun ham topshiriladigan barcha hujjatlar ingliz tilida boʻlishi zarur. Ingliz tilida boʻlmagan hujjatlar notarial tasdiqlangan tarjimasi bilan yuklanishi kerak. Ariza topshirish jarayoni haqida batafsil shu yerda bilib oling.

Koʻp beriladigan savollar va ularga javoblar bilan SHU YERDA tanishing.

Ma’lumot uchun: admissions@skoltech.ru

error: Ma‘lumotni nusxalash ta‘qiqlangan!