×

Shvetsiya: Uppsala universitetining magistratura dasturlarida o’qish uchun 100% lik grantlar!


Grant

MUHLAT

17.01.2022

QOLGAN VAQT

51 kun

HUDUD

Shvetsiya

O'QILGAN

3830 marta

Shvetsiyada joylashgan Uppsala universiteti Yevropa Ittifoqi va Yevropa iqtisodiy hududiga kirmaydigan davlatlardan boʻlgan nomzodlarga magistraturada oʻqish uchun bir necha turdagi grantlarni taklif qilmoqda. Ushbu grantlar 2022-yil 29-avgustdan oʻqishni boshlash uchun taqdim etiladi. Nomzod Uppsala universitetida mavjud bo’lgan magistrlik dasturlaridan istalgan birini tanlashi mumkin.

Maʼlumot uchun: Uppsala universiteti dunyoning eng nufuzlio oliygohlaridan biridir. Jumladan, 2021-yil noyabr oyi holatiga koʻra, ushbu universitet dunyoning eng kuchli oliygohlari roʻyxatida 124-oʻrinni egallab turibdi (QS reytingi boʻyicha).

Grant kimlar uchun?

Magistraturada o'qishni xohlovchilar uchun

Batafsil ma'lumot uchun link

Grantning manfaatli jihatlari:

Yervopa Ittifoqi va Yevropa iqtisodiy hududi tarkibiga kirmaydigan davlatlardan boʻlgan nomzodlarga magistraturada oʻqish uchun uyidagi 2 grant taklif etilmoqda:

  1. Uppsala University Global Scholarship – bu grantni qoʻlga kiritgan talabalar kontrakt summasini toʻlashdan toʻliq ozod qilinadi.
  2. Uppsala University Presidentʼs Club Scholarship – bu grantni qoʻlga kiritgan talabalar kontrakt summasini toʻlashdan toʻliq ozod qilinadi.

Yuqoridagi ikkala grant ham faqat kontrakt summasidan 100% ozod qiladi; yashash, safar va boshqa xarajatlar uchun stipendiya yoki boshqa turdagi mablagʻ taqdim etmaydi.

Talablar:

Nomzod quyidagi shartlarga mos bo’lishi kerak:

  • Nomzod Yevropa Ittifoqi va Yevropa iqtisodiy hududiga a’zo bo’lmagan davlatlardan birining fuqarosi b’lishi kerak (O’zbekistonliklar topshira oladi).
  • Nomzod akademik jihatdan iqtidorli bo’lishi va ta’lim muhitida boʻlishga qiziqishi kerak.
  • Ushbu grantlar faqatgina Uppsala universitetidagi magistrlik dastturini birinchi raqamli tanlovsifatida belgilaganlar uchun taqdim etilishi mumkin (qabul vaqtida 4 tagcha magistrlik dasturiga ariza topshirish mumkin va ular ustuvorlik boʻyicha ketma-ket koʻrsatiladi).
  • Nomzod o’zi tanlagan magistrlik dasturining qabul talablariga mos bo’lishi kerak.
  • Qabul muhlati tugamasidan oldin magistrlik dasturiga ariza topshrish lozim. Ariza topshirish toʻlovi va barcha hujjatlarni topshirish dedlaynga qadar amalga oshirilishi kerak.
  • Nomzod ingliz tilini yaxshi bilishi kerak. Kamida IELTS 6.5 yoki shu darajaga teng boshqa xalqari til sertifikati talab etiladi.
  • Grantlar faqat universitet kampusida (oflayn) oʻqish uchun taqdim etiladi.

Dasturga qabul jarayoni:

Magistrlik dasturlariga arizalar 2022-yil 17-yanvargacha qabul qilinadi.

Nomzod ushbu grantga ariza topshirishi uchun dastlab www.universityadmissions.se veb-sayti orqali Uppsala universiteti magistrlik dasturlaridan biriga hujjat topshirishi kerak. Uppsala universiteti grantlarini qoʻlga kiritish uchun ushbu universitetdagi magistrlik dasturi birinchi raqamli tanlov sifatida belgilanishi kerak.

Magistraturaga ariza topshirish jarayoni va tartibi bilan BU YERDA batafsil tanishing.

Grant uchun ariza topshirish muhlati esa magistrlik dasturiga arza topshrish muhlatidan farq qiladi. Grantlar uchun arizalar 2022-yil 18-yanvardan 1-fevralgacha qabul qilinadi. Grant uchun onlayn ariza shakli faqat shu muddat oraligʻida ochiladi va uni toʻldriib, topshrish kerak boʻladi.

Grantga ariza topshirish jarayoni haqida BU YERDA batafsil tanishish mumkin.

MUHIM: Ariza topshirishga kirishishdan oldin grantlar haqidagi rasmiy eʼlon bilan batafsil tanishib chiqing.

Grantlar boʻyicha savollar yuzasidan  tuitiongrants@uadm.uu.se elektron manziliga murojaat qilishingiz mumkin.

FavoriteLoadingSaqlanganlarga qo'shish

error: Ma‘lumotni nusxalash ta‘qiqlangan!