×

The Earth Prize: maktab, litsey va kollej oʻquvchilari uchun mukofot jamgʻarmasi 200 ming dollar boʻlgan tanlov!


Grant

MUHLAT

30.11.2023

QOLGAN VAQT

Muhlat tugagan

HUDUD

Onlayn

O'QILGAN

10898 marta

The Earth Prize – har yili 13-19-yoshli oʻquvchilar uchun oʻtkaziladigan ekologik barqarorlikka bagʻishlangan xalqaro tanlovdir. Ushbu tanlovda dunyoning istalgan davlatidan boʻlgan oʻquvchilar qatnashishi mumkin.

Tanlovga roʻyxatdan oʻtgan barcha ishtirokchilar dastlab onlayn taʼlim materiallari va universitet talabalarining mentorligi yordamida atrof-muhitga oid bilimlarini oshiradi. Shundan ishtirokchilar atrof-muhitga oid muammolarni hal qilish yuzasidan loyiha ishlab chiqadi. Eng yaxshi va potensiali yuqori boʻlgan loyihalar mukofotlanadi.

Tanlovda yakka tartibda yoki 5 kishigacha boʻlgan jamoa tarzida qatnashish mumkin.

Tanlov ingliz tilida va toʻliq onlayn shaklda boʻlib oʻtadi.

Bundan oldingiz tanlov gʻoliblari va ularning loyihalari bilan BU YERDA tanishishingiz mumkin.

Grant kimlar uchun?

13-19 yoshli maktab, litsey va kollej oʻquvchilari uchun

Batafsil ma'lumot uchun link

Grantning manfaatli jihatlari:

Tanlovda gʻoliblari quyidagicha mukofotlanadi:

  • Gʻolib jamoa (1 ta): 100 ming AQSH dollari. Bu summasning 50% qismi jamoa ishtirokchilarning maktabiga/taʼlim muassasasiga ekologik barqarorlik loyihasiga ishlatish uchun beriladi. Qolgan 50% qismi taʼlim granti hisoblanadi va jamoa ishtirokchilar oʻrtasida teng taqsimlanadi.
  • 3 ta jamoa 2-oʻrin deb topiladi va bu jamoalarning maktabiga (har bir maktabga) 25 ming AQSH dollaridan mukofot beriladi.
  • Yil oʻqituvchisi mukofoti: bu mukofotni qoʻlga kiritgan sovrindor 10 000 AQSH dollari bilan mukofotlanadi.
  • Yil mentori: bu mukofot 3 kishiga beriladi va ularning har biri 5000 AQSH dollari bilan taqdirlanadi.
  • Tashkilotchilar ishtirokchilar va loyihalarga qarab, yana boshqa mukofotlarni joriy qilishi mumkin.

Talablar:

Tanlovda ishtirok etish uchun quyidagi talablarga javob berish lozim:

  • Yosh: 2004-2010-yilda (shu yillar ham kiradi) tugʻilganlar ishtirok etishi mumkin.
  • Taʼlim darajasi: faqat oʻrta taʼlim (scondary education) muassasalari oʻquvchilari qatnasha oladi, oliy taʼlim muassasalari talabalari qatnashishi mumkin emas.
  • Hudud: hududga oid cheklov yoʻq, dunyoning istalgan davlaridagi oʻquvchilar qatnashishi mumkin.
  • Jamoalar: tanlov ishtirokchisi bir nafar alohida oʻquvchi yoki 5 nafargacha aʼzodan iborat jamoa boʻlishi mumkin. Jamoa tuzilganda jamoaning barcha aʼzolari bitta taʼlim muassasasining oʻquvchilari boʻlishi lozim, biroq nechanchi sinf/kursda oʻqishi ahamiyatsiz (yosh talabiga mos boʻlsa, boʻldi).
  • Til: Roʻyxatdan oʻtish jarayonida kiritiladigan maʼlumotlar va topshiriladigan loyihalarning barchasi ingliz tilida boʻlishi lozim.
  • Voyaga yetgan nazoratchi: ishtirokchilar tanlovga roʻyxatdan oʻtishi uchun tayinlangan voyaga yetgan nazoratchiga ega boʻlishi lozim. Taʼlim muassasasi oʻqituvchisi yoki maʼmurlari nazoratchi sifatida qatnashishi mumkin.
  • Ishtirok: oʻtgan yilgi tanlovlarda qatnashganlar, agar boshqa talablarga mos boʻlsa, bu yil ham qatnasha oladi. Lekin avvalgi tanlovlarga gʻolib yoki 2-oʻrin deb topilgan loyihalar tanlovga qabul qilinmaydi.
  • Topshiriladigan ishlar qamrovi: bu tanlovga topshiriladigan ishlardan ekologik barqarorlik sari tezlashtirilgan ijobiy oʻzgarishga qaratilgan yechimlarni taklif qilish kutiladi. Tanlovga keng doiradagi yechimlar qabul qilinadi: mahalliy, milliy va xalqaro darajadagi yechimlar; tatbiq etish potensialiga ega yangi gʻoyalar, shuningdek oʻquvchilarning mavjud loyihalari; mahsulot, tashkilot, korxona yoki kampaniyalar.

Talablar bilan BU YERDA toʻliq tanishishingiz mumkin.

Dasturga qabul jarayoni:

Tanlovda qatnashish bir necha bosqichlarni oʻz ichiga oladi.

1. Roʻyxatdan oʻtish. Tanlovda ishtirok etmoqchi boʻlganlar 2023-yil 30-noyabrgacha roʻyxatdan oʻtishi lozim. Bunda:

  • Ishitirokchilar va nazoratchilar tanlov veb-saytida alohida-alohida roʻyxatdan oʻtadi.
  • Ishitirokchilar onlayn taʼlim materiallari va mentorlik yordamidan foydalanish imkoniga ega boʻladi.
  • Nazoratchilar jamoalarni yaratadi.
  • Ishtirokchilar oʻzlari tanlagan muammo tavsifi va motivatsiya xatini topshiradi.

Tanlovga BU YERDA roʻyxatdan oʻtish mumkin.

2. Ishlarni topshirish. Bu bosqich roʻyxatdan oʻtish tugagandan boshlab 2024-yil 31-yanvargacha davom etadi. Bunda ishtirokchilar oʻz gʻoyalarini topshiradi.

3. The Earth Prize olimlarini eʼlon qilish. Topshirilgan ishlardan eng munosiblari The Earth Prize olimlari eʼtirofiga sazovor boʻladi. Bu natija 2024-yil 14-fevralda eʼlon qilinadi.

4. Finalistlar bosqichi (2024-yil 29-fevraldan 3-aprelgacha). Bunda:

  • The Earth Prize olimlari orasidan eng yaxshi 10 ta jamoa saralab olinadi va eʼlon qilinadi.
  • Finalistlar yakuniy gʻoya, pitch-video va ijtimoiy tarmoqlardagi ishtirok kampaniyasini topshiradi.
  • Finalistlar onlayn tarzda tanlov komissiyasiga jamoaviy taqdimotini namoyish qiladi.

5. Gʻoliblarning eʼlon qilinishi (2024-yil, 22-aprel). Tanlov gʻolibi va 3 ta 2-oʻrin jamolar eʼlon qilinadi. Yil oʻqituvchisi va yil mentori ham eʼlon qilinadi.

Ariza shaklini toʻldirish, ishlar/gʻoyalarni topshirish va tanlovda ishtirok etish bilan bogʻliq boshqa maʼlumotlar BU YERDAGI yoʻriqnomada toʻliq tushuntirilgan.

error: Ma‘lumotni nusxalash ta‘qiqlangan!