Princeton Universitetining Lewis Center for the Arts markazi mehnat faoliyatini endi boshlagan, yosh, favqulodda qobiliyatli va umidli sanʼatkor va yozuvchilarga The Hodder Fellowship grant dasturini taklif etadi. Dasturga bastakor, xoreograf, ijrochi (jumladan, teatr aktyorlari, raqqoslar va h.k.), shoir, tasviy sanʼat vakillari, yozuvchi, tarjimon va boshqa turdagi sanʼatkorlar ariza berishlari mumkin. Hodder Fellowship dasturi ijodkorlarga yangi gʻoyalar ustida ishlash, sanʼat asarlari yaratishda yordam berishga moʻljallangan. Grant bir oʻquv yiliga (oʻn oy) moʻljallangan amaliyot dasturini oʻz ichiga oladi. The Hudder Fellowship dasturi 2016-yildan beri har yili 5 nafar sanʼatkorga grant ajratadi.
Grant kimlar uchun?
Sanʼatkorlar uchun
Batafsil ma'lumot uchun link
Grantning manfaatli jihatlari:
Amaliyot dasturi qatnashchilariga quyidagi imkoniyatlar yaratib beriladi:
- Bir oʻquv yili (oʻn oy) uchun 90 000 AQSh dollari
- Tadqiqot xarajatlari uchun qoʻshimcha 5000 AQSh dollari miqdoridagi stipendiya ajratiladi.
- Sinfxona xarajatlari uchun 2000 AQSh dollari miqdorida mablagʻ.
Batafsil: shu yerda tanishing.
Talablar:
Nomzod quyidagi talablarga mos boʻlishi kerak:
- Nomzod istalgan davlat fuqarosi boʻlishi mumkin.
- Dastur bastakor, xoreograf, ijrochi (jumladan, teatr aktyorlari, raqqoslar va h.k.), shoir, tasviy sanʼat vakillari, yozuvchi, tarjimon va boshqa turdagi sanʼatkorlar uchun moʻljallangan.
- Nomzod mehnat faoliyatini endi boshlagan, yosh, favqulodda qobiliyatli va umidli sanʼatkor boʻlishi zarur.
- Princeton University`da PhD darajasini olgan sanʼatkorlar dasturga ariza bera olmaydilar.
- Grantdan PhD kurslarini moliyalashtirish uchun foydalanib boʻlmaydi.
- Har bir nomzod Hudder Fellowship dasturiga hayoti davomida faqat ikki marta ariza berishi mumkin.
- Ingliz tilini yaxshi bilish lozim.
Dasturga qabul jarayoni:
Hudder Fellowship dasturi uchun arizalar qabul qilish 2023-yil 1-iyuldan 12-sentyabrgacha davom etadi (hozir onlayn portal yopiq).
Kerakli hujjatlar:
- Onlayn ariza.
- CV/ruzyume.
- Project Proposal (nomzodning 10 oylik dasturga moʻljallangan badiiy loyihasi aks etishi va 500 soʻzdan oshmasligi zarur).
- Nomzodning ijodiy ishlaridan namuna (yozma ishlar, videotasvir, surat, qoʻshiq yoki musiqa ijrosi namunasi va x.k).
Grant haqidagi toʻliq ma’lumotni grant beruvchining rasmiy saytidan yoki savol-javoblardan bilib olishingiz mumkin.
Murojaat uchun:
E-mail: lca-fellowships@princeton.edu
