×

Tom Howard/John H. Reid Fiction & Essay Contest: mukofoti 3500 dollargacha boʻlgan hikoya va insholar tanlovi


Grant

MUHLAT

01.05.2024

QOLGAN VAQT

64 kun

HUDUD

Onlayn

O'QILGAN

13840 marta

Winning Writers sayti tomonidan har yili hikoya va esse (insho) yozishga qiziquvchilar uchun Tom Howard/John H. Reid Fiction & Essay Contest tanlovi oʻtkaziladi.

Tanlov 2 yoʻnalish boʻyicha boʻladi:

  1. Hikoya (Story) – bunga muallif tomonidan oʻylab topilgan, toʻqima (fiction) hikoyalar qabul qilinadi.
  2. Insho (Essay) – bunga real voqea, faktlar asosida yozilgan badiiy ishlar qabul qilinadi.

Grant kimlar uchun?

Hikoya yoki esse (insho) yozishga qiziquvchi barcha uchun

Batafsil ma'lumot uchun link

Grantning manfaatli jihatlari:

Gʻoliblar quyidagicha taqdirlanadi:

  • Hikoya yoʻnalishi boʻyicha gʻolibga 3500 AQSh dollari bilan taqdirlanadi.
  • Insho yoʻnalishi boʻyicha gʻolibga ham 3500 AQSh dollari bilan taqdirlanadi.
  • Shuningdek, har ikki mukofot gʻolibiga Duotrope platformasiga 2 yillik obuna ham taqdim etiladi (100 AQSh dollarlik qiymatga teng).
  • 10 ta eʼtiborga sazovor ish mualliflarining har biriga 300 AQSh dollaridan pul mukofoti beriladi.

Sovrindor boʻlgan 12 ta ish Winning Writers saytiga joylanadi.

Talablar:

Tanlovda qatnashish talablar quyidagicha:

  • Tanlov uchun yosh chegarasi yoʻq, istalgan yoshdagi nomzodlar qatnashishi mumkin.
  • Tanlovga ingliz tilida yozilgan, hajmi 6000 soʻzdan oshmagan ishlar qabul qilinadi.
  • Tanlovga ilgari chop etilgan, turli tanlovlarga yuborilgan, shu tanlovdan boshqa tanlovlarda g’olib chiqqan ishlar ham qabul qilinadi. Faqat, shu tanlovda ilgari mukofotlangan ishlar topshirilmasligi kerak.
  • Tanlovda deyarli barcha davlat fuqarolari, jumladan, Oʻzbekiston fuqarolari ham qatnasha oladi.
  • Hikoya yoʻnalishiga muallif tomonidan oʻylab topilgan, toʻqima (fiction) hikoyalar qabul qilinadi.
  • Insho yoʻnalishiga real voqea, faktlar asosida yozilgan badiiy ishlar qabul qilinadi.
  • Topshiriladigan fayl quyidagi formatlardan birida boʻlishi kerak: .doc, .docx, .pdf yoki .odt.

Dasturga qabul jarayoni:

Tanlov uchun ishlarni qabul qilish 2023-yilning 15-oktyabrda boshlanadi va 2024-yilning 1-mayigacha davom etadi.

Tanlovda ishtirok etmoqchi boʻlganlar tanlov saytidagi arizani toʻldirib, oʻz ishini ilova qilishi hamda arizani topshirishi kerak (“Click here to submit” tugmasi bosiladi, 2023-yildan 15-oktyabrdan boshlab topshirish mumkin).

Tanlovda ishtirok etish pulli: bitta ish topshirish 22 AQSh dollarini tashkil qiladi. Ishtirokchilar istalgancha ish topshirishi mumkin (har biri uchun alohida toʻlov qilinadi).

MUHIM: Esse yoki hikoyani tayyorlashga kirishishdan oldin rasmiy eʼlon va ishlarni tayyorlash boʻyicha qisqa qoʻllanma bilan batafsil tanishib chiqing.

Tanlovning 2020-yildagi gʻoliblari sheʼrlari bilan BU YERDA tanishish mumkin.

error: Ma‘lumotni nusxalash ta‘qiqlangan!