BMTTDning Ozon qatlamini muhofaza qilish loyihasi, Global ekologik jamgʻarma va O‘zbekiston Respublikasi Ekologiya va atrof-muhitni muhofaza qilish davlat qo‘mitasi ayol-qizlar uchun maxsus grant tanlovini eʼlon qildi.
Ushbu grant 2022-2023-oʻquv yilida 2 nafar ayol-qiz talabalarga I. Karimov nomidagi Toshkent davlat texnika universiteti, mexanika fakulteti, Texnologik mashinalar va jihozlar (sovutish mashinasozligi) yo‘nalishida oʻqish (bakalavriat) uchun beriladi.
Grantning maqsadi quyidagicha:
- O’zbekistonda sovutish va havoni konditsionerlash (SHK) sohasida gender tengligini ta’minlash.
- Yoshlar, xususan, qizlarning e’tiborini SHK sohasida mehnat faoliyatini boshlashga jalb qilish.
- Qizlar va ayollarni SHK sohasiga jalb qilish uchun texnik kasbni ommalashtirish.
Eslatma: Ushbu grant faqat toʻlov-kontrakt asosida oʻqish uchun qabul qilingan ayol-qiz talabalarga moʻljallangan. Davlat granti (byudjet) asosida oʻqiydigan/oʻqishga qabul qilinadigan talabalar bu grant tanlovida ishtirok eta olmaydi.
Grant kimlar uchun?
I.Karimov nomidagi Toshkent Davlat Texnika universitetida oʻqimoqchi boʻlgan ayol-qiz abituriyentlar va shu universitetdagi ayol-qiz talabalari uchun
Batafsil ma'lumot uchun link
Grantning manfaatli jihatlari:
Tanlov gʻoliblarining (2 nafar) yuqorida qayd etilgan yoʻnalishda oʻqishi uchun 1 yillik kontrakt summasi toʻlab beriladi.
Talablar:
Nomzodlarga qoʻyilgan talablar quyidagicha:
- Dasturda faqat ayol-qizlar qatnashishi mumkin.
- Nomzodlar 2022-2023-oʻquv yilida I. Karimov nomidagi Toshkent Davlat Texnika Universiteti, mexanika fakulteti, Texnologik mashinalar va jihozlar (sovutish mashinasozligi) yo‘nalishida 1, 2, 3 yoki 4-kursda toʻlov-kontrakt asosida oʻqishi kerak.
- 2022-yil 1-30-avgust kunigacha www.e-learning.03.uz saytida “Sovutish va havoni konditsionerlash” onlayn kursidan o‘ting va sertifikatini oling.
Dasturga qabul jarayoni:
Grantga arizalar 2022-yil 30-avgustgacha qabul qilinadi.
Ushbu grantga ariza topshirish jarayoni quyidagicha amalga oshiriladi.
1. Grant uchun ariza shaklini yuklab oling. Ariza shaklini BU YERDAN yuklab olish mumkin (Файл — Скачать — Microsoft Word (DOCX)). Arizani onlayn toʻldira olmaysiz, faqat yuklab olib, keyin toʻldirish mumkin.
2. 2022-yil 1-avgustdan 30-avgustgacha www.e-learning.o3.uz saytida “Sovutish va havoni konditsionerlash” onlayn kursidan o‘ting va sertifikatini oling. Bu onlayn kursda oʻqish bepul. Kursni faqat 2022-yil 1-avgustdan boshlab oʻqish mumkin.
3. Onlayn kursidan olingan sertifikat va to‘ldirilgan anketa 2022-yil 30-avgustgacha ozone.o3.uz@gmail.com manziliga yuborilishi kerak. Elektron pochtaning “Mavzu” qismida “TDTUga grant olish uchun ariza” deb yozing.
4. Ariza va sertifikatni muvaffaqiyatli topshirgan nomzod suhbatga taklif qilinadi. Suhbat 2022-yilning 5-10 sentabr kunlari bo‘lib o‘tadi.
Quyidagi mezonlar baholash uchun qoʻllaniladi va eng yaxshi ikkita muvaffaqiyatli nomzod grant uchun ko’rib chiqiladi:
- www.e-learning.o3.uz onlayn kursida olingan sertifikat – 50 ball.
- Umumiy va maxsus savollar bo’yicha suhbat – 50 ball.
Ushbu grant yuzasidan savollarinigiz boʻlsa, @grantTDTU2022 telegram guruhida soʻrab olishingiz mumkin.
