×

Universiti Brunei Darussalam: Bruneyda bepul doktorantura, bepul turar joy, stipendiya va aviachipta!


Grant

MUHLAT

31.07.2022

QOLGAN VAQT

31 kun

HUDUD

Bruney

O'QILGAN

3022 marta

Bruneyda joylashgan Universiti Brunei Darussalam oliygohi tomonidan beriladigan UBD Graduate Scholarship grant dasturiga arizalar qabul qilinmoqda. Grantlar shu universitetda o‘qitiladigan doktorantura kurslari va ilg‘or tadqiqotlar uchun beriladi. Dasturga Bruneylik va Bruneylik bo‘lmagan (xorijlik) a’lochi, tadqiqot tajribasi va muhim tadqiqot rejalariga ega bo‘lgan eng iqtidorli talabalar, mutaxassislar qabul qilinadi. Mavjud doktorantura kurslari haqida batafsil ma’lumot bilan bu yerda tanishishingiz mumkin.

Mazkur grant har yili 20 nafar nomzodga ajratiladi. Qabul qilinganlar 2023-yilning yanvaridan oʻqishni boshlaydi. Darslar ingliz tilida olib boriladi.

Maʼlumot uchun: Mazkur universitet dunyoning eng nufuzli oliygohlari sirasiga kiradi. Jumladan, ushbu universitet, 2022-yil holatiga koʻrsa, dunyodagi eng nufuzli oliygohlar roʻyxatida 256-oʻrinni egallab turibdi (QS reytingi boʻyicha).

 

 

Grant kimlar uchun?

Doktorantura (PhD) kursida o’qishni xohlovchilar uchun

Batafsil ma'lumot uchun link

Grantning manfaatli jihatlari:

Grant yutgan nomzodlar quyidagi imtiyozlarga ega bo‘ladilar:

  • Kontrakt summasi va o‘qishga oid boshqa xarajatlar to‘liq qoplanadi.
  • 36 oy davomida har oy 500 BND (359 AQSh dollari) miqdorida stipendiya beriladi.
  • 36 oy mobaynida universitet yotoqxonasidan bepul xona ajratiladi.
  • O‘qishga borish va o‘z davlatiga qaytib ketish uchun aviachipta bilan ta’minlanadi.
  • Yo‘nalishga qarab 1000-2000 BND (718-1437 AQSh dollari) mablag‘ tadqiqot xarajatlari uchun ajratiladi.

Talablar:

Nomzod quyidagi talablarga mos boʻlishi kerak:

  • Nomzod bakalavr va magistratura kurslarini a’lo baholarga tamomlagan bo’lishi kerak. Agar nomzodning baholari a’lodan pastroq bo’lsa, magistratura kursi tamomlangandan keyin tadqiqot qilgan bo’lishi, ya’ni tadqiqot tajribasiga ega bo’lishi kerak. 
  • Nomzod ingliz tilini yaxshi bilishi kerak (IELTS 6,0, TOEFL 550 yoki boshqa test natijalari talab etiladi). 
  • Nomzod o’zi hujjat topshirgan doktorantura yoki magistratura kursi yo’nalishiga mos mavzuda kuchli tadqiqot taklifiga (research proposal) ega bo’lishi kerak.
  • Oʻzi tanlagan doktorantura kursining qabul talablariga mos boʻlishi kerak. Qabul talablari fakultetlarga qarab farq qilishi mumkin. Bu yerda barcha fakultetlar ro’yxati va ulardagi doktorantura kurslari haqida batafsil ma’lumot berilgan.

Dasturga qabul jarayoni:

Grantga ariza berish uchun doktorantura kursiga hujjat topshirish va arizaning grantga oid qismini ham qo’shib to’ldirish kerak. Arizani bu yerda boshlab (Graduate Degree), 2022-yilning 31-iyuliga qadar topshirish zarur. Hujjat topshirish tartibi bilan bu yerda tanishing.

MUHIM: Ariza topshirishga kirishishdan oldin grant haqidagi rasmiy eʼlon bilan tanishib chiqing.

Savollar yuzasidan office.graduate@ubd.edu.bn elektron pochtasiga murojaat qilishingiz mumkin.

error: Ma‘lumotni nusxalash ta‘qiqlangan!