×

University of Manchester: Magistratura uchun toʻliq grant!


Grant

MUHLAT

01.05.2019

QOLGAN VAQT

Muhlat tugagan

HUDUD

Buyuk Britaniya

O'QILGAN

1408 marta

Angliyaning Manchester shahrida joylashgan The University of Manchester  2019-2020-oʻquv yili uchun Alliance MBS Masters Scholarships for UK/EU/International students dasturiga arizalar qabul qilmoqda. Grant universitetda o`qitiladigan buxgalteriya va moliya hamda biznes va boshqaruv sohalari bo`yicha magistratura bosqichiga oʻqishga kirgan talabalar uchun moʻljallangan. Grant bir yilga beriladi. Grant talabaning moliyaviy ahvonini emas, uning akademik yutuqlari va a’lo baholarini inobatga oladi.

Stipendiya quyidagi magistratura kurslari talabalariga ajratiladi:

  • MSc Accounting
  • MSc Accounting and Finance
  • MSc Business Analysis and Strategic Management
  • MSc Business Analytics: Operational Research and Risk Analysis
  • MSc Business Psychology
  • MSc Finance
  • MSc Human Resource Management and Industrial Relations
  • MSc International Human Resource Management and Comparative Industrial Relations
  • MSc Innovation Management and Entrepreneurship
  • MSc International Business and Management (Management)
  • MSc Management
  • MSc Marketing
  • MSc Operations, Project and Supply Chain Management
  • MSc Organisational Psychology
  • MSc Quantitative Finance

Grant kimlar uchun?

Magistraturada oʻqishni xohlovchilar uchun

Batafsil ma'lumot uchun link

Grantning manfaatli jihatlari:

The University of Manchester magistratura yoʻnalishlarida oʻqish haqi turlicha. Kontrakt haqidagi ma’lumotlar har bir kurs sahifasida ko`rsatilgan. Masalan, buxgalteriya kursiga 2019-2020-oʻquv yili uchun taxminan 25 000 funt-sterling kontrakt to`lanadi.

Grant yutib olgan nomzodlarga 1 yilga kontrakt pulini toʻliq qoplab beriladi. Dastur grant yutib olgan nomzodning boshqa xarajatlarini qoplamaydi. Shuning uchun ularni nomzodning oʻzi toʻlashi kerak boʻladi.

Talablar:

Nomzod quyidagi talablarga mos boʻlishi kerak:

  • Barcha davlatlardan nomzodlar ariza bera oladi.
  • Nomzod buxgalteriya va moliya hamda biznes va boshqaruv sohalari bo`yicha magistratura bosqichiga oʻqishga kirgan boʻlishi kerak. Grant amal qiladigan kurslar ro`yxati maqola boshida berilgan
  • Nomzod aʼlochi boʻlishi zarur. Eng yuqori ball va 2:1 daraja egalari ariza bera oladi.
  • Nomzod ingliz tilini yaxshi bilish kerak. Tilni qay darajada bilish zarurligi nomzod qaysi kursga hujjat topshirishiga qarab farq qiladi. Odatda IELTS kamida 6.5-7.0 boʻlishi talab qilinadi. Batafsil maʻlumotni sizni qiziqtirgan kurs sahifasidan olishingiz mumkin.

Dasturga qabul jarayoni:

Grantlar universitetning buxgalteriya va moliya hamda biznes va boshqaruv sohalari bo`yicha yuqorida ko`rsatilgan barcha magistratura kurslarda oʻqish uchun beriladi. Shuning uchun nomzod universitetdagi oʻzi tanlagan kursga ariza berishi kerak. Kursga berilgan arizaning oʻzi grant uchun yetarli. Grantga alohida ariza berish shart emas.

Oʻqishga kirishga va grant dasturi uchun 2019-yil 1-maygacha, 30-iyungacha  va 21-avgustgacha ariza berish mumkin.

Demak, birinchi oʻqishga kirish uchun ariza bilan hujjat topshirish kerak.

Masalan, MSc Accounting  mutaxassisligiga hujjat topshirish uchun quyidagilar amalga oshiriladi:

  • Avvalo “https://www.manchester.ac.uk/study/masters/” sahifasidan MSc Accountingni tanlaymiz.
  • MSc Accounting sahifasining “Overview” boʻlimida kurs haqida maʼlumot berilgan. Toʻliq oʻqib chiqamiz.
  • Entry requirements” boʻlimini tanlaymiz. U yerda oʻqishga kirish talablari koʻrsatilgan.
  • Application and selection” boʻlimida qanday qilib ariza topshirish haqida maʼlumot berilgan.
  • Boʻlimda “Apply online yozuvini tanlaymiz va UCAS tizimiga kirib registratsiyadan oʻtamiz.
  • Roʻyxatdan oʻtib boʻlgach, ariza toʻldiramiz.
  • Talablar boʻyicha soʻralgan hujjatlarni ilova qilib, joʻnatamiz.
  • Qoʻshimcha hujjatlar roʻyxatini sahfa oxirida berilgan manzili yoki telefon raqamiga bogʻlanib aniqlaymiz (zarur boʻlganda).
  • Universitet talab qiladigan malaka talablarini boshqa davlatlar talablari bilan mosligini aniqlash uchun roʻyxat bergan. Ammo roʻyxatda Oʻzbekiston koʻrsatilmagan. Shuning uchun hujjatlarning tarkibi, ekvivalentini international@manchester.ac.uk manzili orqali tekshirib oling.

Kerakli hujjatlar tarkibi:

  • Bakalavr diplomi va diplom ilovasi nusxasi.
  • Ingliz tili testi (IELTS 6.5-7.0 yoki roʻyxatda berilgan ekvivalent) sertifikati.
  • Boshqa sertifikatlar. Masalan, GRE/GMAT/ACT/GCSE kabilar soʻralishi mumkin. Qoʻshimcha hujjatlarni tanlagan kursingiz sahifasidan aniqlang.
  • Pasport nusxasi.
  • Moliyaviy ahvolingiz haqida maʼlumotnoma soʻralishi mumkin.
  • Viza haqida maʼlumot talab qilinishi mumkin.

Qaysi kursga hujjat topshirayotganligingizga qarab boshqa hujjatlar ham soʻraladi. Shuning uchun oʻzingiz tanlagan kurs maʻlumotlarini puxta oʻrganib chiqing.

Nomzodlar grantga aʼlo baholari, ish tajribasi (agar ishlagan boʻlsa), ijtimoiy faolligi, intiluvchanligi asosida saralanadilar.

Oʻqishga kirishga va grant dasturi uchun 2019-yil 1-maygacha, 30-iyungacha  va 21-avgustgacha ariza berish mumkin. Natijalar dedlayn muddatidan keyin iloji boricha tez fursatda elektron pochta orqali xabar qilinadi.

Maʻlumot uchun:

Masters Admissions Office

Telefon: +44 (0) 161 306 1339

Elektron pochta: pg.ambs@manchester.ac.uk

error: Ma‘lumotni nusxalash ta‘qiqlangan!