×

University of Sussex: Geoffrey Oldham Scholarship – magistratura uchun qisman grant


Grant

MUHLAT

01.06.2019

QOLGAN VAQT

Muhlat tugagan

HUDUD

Buyuk Britaniya

O'QILGAN

1439 marta

Buyuk Britaniyada joylashgan Sussex University talabalardan Geoffrey Oldham Memorial Scholarships (2019) dasturiga arizalar qabul qilmoqda. Grant universitet tarkibidagi The Science Policy Research Unit (SPRU)da magistratura bosqichini o`qishni xohlagan talabalar uchun mo`ljallangan. Grant 4 nafar nomzodga ajratiladi. Grant bir yil muddatga quyidagi magistratura kurslarida o`qish uchun beriladi:

Grant dasturi SPRUning birinchi rahbar o`rinbosari Geoffrey Oldham xotirasini hurmatlash maqsadida 2018-yilda tashkil etilgan.

Grant kimlar uchun?

Magistraturada oʻqishni xohlovchilar uchun

Batafsil ma'lumot uchun link

Grantning manfaatli jihatlari:

Universitetda o`qish uchun kontrakt to`lovi tanlangan kursga qarab farq qiladi. Umumiy kontrakt hajmi haqidagi ma’lumotlar bilan: shu yerda tanishish mumkin.

Grant yutib olgan nomzodlarga bir yil muddatga kontrakt uchun 10 000  funt-sterling pul beriladi.

Grant nomzodning turar joy, ovqatlanish, tibbiy sug`urta, o`quv qurollari kabi boshqa xarajatlarini qoplamaydi. Ularni talabaning o`zi to`lashi kerak.

Talablar:

Nomzod quyidagi talablarga mos boʻlishi kerak:

  • Barcha davlatlar fuqarolari ariza bera oladi.
  • Nomzod universitet tarkibidagi SPRUning yuqorida ko`rsatilgan magistratura kurslaridan biriga oʻqishga kirgan boʻlishi kerak.
  • Nomzod aʼlochi boʻlishi zarur.
  • Nomzod Sasseks universiteti va SPRU talablariga mos bo`lishi kerak.
  • Nomzod ingliz tilini yaxshi bilish kerak. Kursga qabul uchun til bilish darajasi qanday bo`lishi kerakligi tanlangan yo`nalishga qarab farq qiladi. Odatda IELTS kamida 7,0 boʻlishi talab qilinadi.
  • Nomzod tanlangan kursga mos keladigan soha bo`yicha bakalavr diplomiga ega bo`lishi kerak.

Dasturga qabul jarayoni:

Grantlar SPRUning yuqorida qayd etilgan magistratura kurslarida oʻqish uchun beriladi. Shuning uchun nomzod universitetdagi o`zi tanlagan kursga ariza berishi kerak. O`qishga qabul haqida hujjat olinganidan keyin grantga alohida ariza topshirish zarur.

O`qishga dedlayn 1-avgustgacha, grantda esa dedlayn 1-iyungacha. Grantga ariza berishni xohlasangiz, o`qishga ertaroq ariza bering. Chunki o`qishga taklifnomasiz grantga hujjat topshira olmaysiz.

O`ishga hujjat topshirish uchun quyidagilar amalga oshiriladi:

  • Kurslar sahifasidan kerakli kursni toping. Kurs sahifasida batafsil maʼlumot berilgan. Toʻliq oʻqib chiqing.
  • Shu yerdava shu yerda kirish talablari berilgan.
  • Shu yer orqali o`qishga ariza bering. Kerakli hujjatlarni ilova qilib, jo`nating.
  • Qo`shimcha ma’lumot bilan ilmiy tadqiqot bo`limining: rasmiy saytida tanishishingiz mumkin.
  • Savollar yuzasidan scholarships@sussex.ac.ukga murojaat qiling.

Grantga ariza berish. Grantga arizani onlayn tarzda to`ldiring. Arizada kelajakdagi rejalaringiz hamda darsdan tashqari faoliyatingiz, shuningdek, qanday qilib sizning ilmiy faoliyatingiz Geoffrey Olhdam merosini davom ettirishi mumkinligi haqidagi ma’lumotlar yozilishi kerak.

Kerakli hujjatlar tarkibi (umumiy):

  • Personal statement.
  • Bakalavr diplomi va diplom ilovasi nusxasi. Baholar kamida 2:1/2:2 bo`lishi lozim.
  • CV/resume.
  • Ingliz tili testi (kamida IELTS 7.0 yoki ekvivalent) sertifikati.
  • Boshqa sertifikatlar. Masalan, tanlangan kursga qarab LSAT/GRE/GMAT/ACT/GCSE kabilar so`ralishi mumkin.
  • Pasport nusxasi.
  • Moliyaviy ahvolingiz haqida maʼlumotnoma.
  • Viza haqida maʼlumot talab qilinishi mumkin.

Qo`shimcha ma’lumotlar: shu yerda.

Nomzodlar grantga  sohaga oid bilimlari, aʼlo baholari, ish tajribasi, darsdan tashqari tadbirlarda qatnashganligi, kelajakdagi rejalari kabilar asosida saralanadilar.

Natijalar 2019-yil 1-iyulgacha elektron pochta orqali xabar qilinadi.

Maʻlumot uchun: scholarships@sussex.ac.uk

error: Ma‘lumotni nusxalash ta‘qiqlangan!