AQShda huquq boʻyicha magistraturada o’qish uchun grant: kontrakt to’lovi to’liq qoplanadi

Grant kimlar uchun?

Magistraturada oʻqishni xohlovchilar uchun

Batafsil ma'lumot uchun link

Grantning manfaatli jihatlari:

Ushbu grantni qoʻlga kiritgan nomzodlar kontrakt pulini toʻlashdan toʻliq ozod qilinadi.

Grant nomzodning oziq-ovqat, turar joy, darslik va boshqa xarajatlarini qoplamaydi. 1 oʻquv yilida kontraktdan tashqari xarajatlar (AQSHga qatnash, turar joy, oziq-ovqat, transport va hk) uchun 50 ming AQSH dollari atrofida mablagʻga ega boʻlish tavsiya etiladi.

Talablar:

Ushbu grantga AQSH fuqarolaridan boshqa barcha davlat fuqarolari ariza bera oladi.

Grantga nomzod boʻla olish uchun talabgorlar kamida quyidagi mezonlarga javob berishi lozim:

• MJ dasturi uchun:
  – Nomzod AQSH yoki boshqa davlatda olingan bakalavrlik darajasiga ega boʻlishi kerak. Bakalavriatni huquq boʻyicha oʻqigan boʻlish shart emas.
  – Bakalavriatdagi baholari oʻrtachasi (GPA) 4 lik tizimda kamida 3 ga teng boʻlishi kerak. Bu 100 ballik tizimda 75 ball degani.
  – Nomzod TOEFL 83 yoki IELTS 6.5 sertifikatiga ega boʻlishi kerak.
• LLM dasturi uchun:
  – Nomzod AQSH yoki boshqa davlatda olingan bakalavrlik darajasiga ega boʻlishi kerak. Bakalavriatni huquqshunoslik sohasida oʻqigan boʻlish lozim.
  – Bakalavriatdagi baholari oʻrtachasi (GPA) 4 lik tizimda kamida 3 ga teng boʻlishi kerak. Bu 100 ballik tizimda 75 ball degani.
  – Nomzod TOEFL 83 yoki IELTS 6.5 sertifikatiga ega boʻlishi kerak.
• SJD dasturi uchun:
  – Nomzod AQSH yoki boshqa davlatda olingan huquqshunoslik boʻyicha magistrlik darajasiga ega boʻlishi lozim.
  – Magistraturadagi baholari oʻrtachasi (GPA) 4 lik tizimda kamida 3,3 ga teng boʻlishi kerak. Bu 100 ballik tizimda 82,5 ball degani.
  – Nomzod TOEFL 94 yoki IELTS 7.0 sertifikatiga ega boʻlishi kerak.

Shuningdek, yuqoridagi barcha dasturlarga ariza topshirayotgan nomzodlar quyidagi mezonlarga mos boʻlishi lozim:

• grantga ariza berishdan oldin MJ, LLM yoki SJD dasturiga ariza va kerakli hujjatlarning barchasini toʻliq topshirish kerak;
• AQSHda oʻqishga ishtiyoqi baland boʻlishi, oʻz davlatida jamoat ishlari, volontyorlik va yetakchilik faoliyati bilan shugʻullangan boʻlishi kerak;
• yuqori darajada ogʻzaki va yozma muloqot koʻrinmalariga ega boʻlish kerak; bu koʻnikmalar grant komissiyasi bilan boʻladigan onlayn suhbat va topshiriladigan yozma ish (insho) orqali tekshiriladi.

Dasturga qabul jarayoni:

Yuqorida keltirilgan dasturlar va grantga alohida-alohida ariza topshiriladi. Grantga topshirilgan ariza yuqoridagi magistrlik/PhD dasturlaridan biriga kerakli hujjatlar toʻliq topshirib boʻlingandan keyingina koʻrib chiqiladi.

Yuqoridagi dasturlarga yiliga 3 marta ariza qabul qilinadi. Har bir dastur uchun qabulning soʻnngi muddatlari quyidagicha:

• LLM dasturi:
  – yozgi semestrdan oʻqishni boshlash uchun – 1-mart;
  – kuzgi semestrdan oʻqishni boshlash uchun – 1-may;
  – bahorgi semestrdan oʻqishni boshlash uchun – 1-noyabr.
• MJ dasturi:
  – yozgi semestrdan oʻqishni boshlash uchun – 1-may;
  – kuzgi semestrdan oʻqishni boshlash uchun – 1-avgust;
  – bahorgi semestrdan oʻqishni boshlash uchun – 15-dekabr.
• SJD dasturi:
  – yozgi semestrdan oʻqishni boshlash uchun – 1-mart;
  – kuzgi semestrdan oʻqishni boshlash uchun – 1-may;
  – bahorgi semestrdan oʻqishni boshlash uchun – 1-noyabr.

Har bir dasturga topshiriladigan hujjatlar roʻyxati va ariza topshirish jarayoni haqida quyidagi havolalar orqali batafsil tanishing:

• Masters of Law (LLM) dasturi
• Doctor of Juridical Science (SJD) dasturi
• Master of Jurisprudence (MJ) dasturi

Dasturlarga topshirishda 60 AQSH dollari miqdorida ariza topshirish haqi toʻlanishi kerak.

Grant uchun onlayn ariza BU YERDA toʻldiriladi.

MUHIM: Ariza topshirishga kirishishdan oldin grant haqidagi rasmiy eʼlon bilan batafsil tanishib chiqing.