×

Vice-Chancellor Scholarship – bakalavr kurslari uchun to’liq grant, bepul turar joy hamda oylik stipendiya!


Grant

MUHLAT

31.05.2019

QOLGAN VAQT

36 kun

HUDUD

Buyuk Britaniya

O'QILGAN

2649 marta

Buyuk Britaniyaning London shahrida joylashgan Westministr Universiteti o’zining bakalavr bosqichidagi talabalariga  Vice-Chancellor Scholarship grant dasturini taklif qilmoda. Ushbu grant dasturi Westminster Universitetining 2019-yil sentabrda boshlanadigan bakalavr kurslariga qabul qilingan, rivojlanayotgan mamlakatlar ro’yxatiga kiruvchi  mamlakatlardan bo’lgan talabalar uchun mo’ljallangan. Grant dasturidan maqsad favqulodda iqtidorli, yuqori potensialli, lekin moliyaviy imkoniyati cheklangan xorijlik talabalarni rag’batlantirish va moddiy jihatdan qo’llab-quvvatlash. Dastur doirasida bir nafar talabaga grant berish rejalashtirilgan.

Grant kimlar uchun?

Bakalavr bosqichida o’qishni xohlovchilar uchun

Batafsil ma'lumot uchun link

Grantning manfaatli jihatlari:

Dastur doirasida grant yutib olgan talabalar quyidagicha taqdirlanadilar:

  1. Talabaning kontrakt to’lovi to’liq qoplanadi.
  2. Stipendiant turar joy bilan ta’minlanadi.
  3. G’olibga kundalik xarajatlar uchun oylik stipendiya
  4. Talabaning Londonga kelishi va yurtiga qaytishi uchun aviachipta olib beriladi.

Talaba yil davomida yuqori natijalarga erishsa hamda namunaviy xulqi, tirishqoqligini namoyon etsa stipendiya dasturi keyingi o’quv yillariga ham cho’zilishi mumkin.

Universitetda o’qish uchun sarflanadigan xarajatlar bilan bu yerda batafsil tanishing.

Talablar:

Grantlar quyidagi talablarga eng mos nomzodga beriladi:

  1. Nomzod rivojlanayotgan mamlakatlardan birining fuqarosi bo’lishi kerak (O’zbekisron fuqarolari topshira oladi, batafsil ma’lumot bu yerda)
  2. Ariza topshirish muddati tugagunga qadar nomzod Westminster Universitetining bakalavr kurslaridan biriga o’qishga qabul qilingan bo’lishi /qilinishi kerak.
  3. Nomzod yuqori maktab/litsey/kollejni a’lo baholarga tamomlagan bo’lishi kerak.
  4. Nomzod o’zida favqulodda kuchli iqtidor va potensial namoyon etishi zarur.
  5. Grant qiyinchiliklarga duch kelgan, o’gir sharoitlarda yashaganiga qaramay muvaffaqqiyatga erishgan, ulkan akademik yutuqlarga ega talabaga beriladi.
  6. Bu moliyaviy ta’minot dasturi bo’lganligi uchun nomzodning boshqa grant dasturlariga hujjat topshirishi mumkin emas.
  7. Nomzod ingliz tilini yaxshi bilishi kerak.
  8. Qisqa qilib aytganda, grantni yutib olish uchun nomzod akademik jihatdan eng sara talaba bo’lishi zarur.

Nomzodlarga qo’yilgan talablar haqida bu yerda batafsil tanishishingiz mumkin.

Dasturga qabul jarayoni:

2019-yilning sentabrida boshlanadigan kurslar uchun grant dasturiga hujjatlarning barchasi shu yilning 31-mayiga qadar topshirilishi kerak. Ushbu dastur iqtisodiy ta’minot dasturi bo’lganligi sababli nomzod bir vaqtning o’zida faqat bitta grantga ariza berishi mumkin.

Kerakli hujjatlar:

  1. Ariza (ariza shakli yuklab olinadi va boshqa kerakli hujjatlar bilan birga ko’rsatilgan manzilga pochta orqali jo’natiladi). Ariza shaklini to’ldirishda nomzod shaxsiy bayonot, keljakdagi rejalari, moliyaviy ahvoli haqidagi savollarga javob yozishi kerak.
  2. Westminster Universitetiga shartli/shartsiz qabul qilinganlik haqidagi xat nusxasi.
  3. Yuqori maktab/litsey/kollejda olingan baholar (ingliz tilidagi tarjimasi bilan).
  4. Tavsiyanoma (grant dasturi uchun mahsus yozilgan bo’lishi kerak).

Hujjatlarga qo’yilgan talablar:

Grant dasturiga topshiriladigan hujjatlar quyidagi talablarga javob berishi maqsadga muvofiq:

  1. Ariza shakli qo’lda emas, kompyuter orqali to’ldirilgan bo’lishi kerak.
  2. Arizaning hamma bo’limlari to’ldirilgan bo’lishi kerak (to’liq bo’lmagan arizalar qabul qilinmaydi).
  3. Kerakli hujjatlar ro’yxati” dagi barcha hujjatlar taqdim etilishi zarur.
  4. Ro’yxatda so’ralmagan hujjatlarni, hujjatlaringizning original nusxasini jo’natmang.
  5. Arizani to’ldirishda belgilangan so’z miqdoriga e’tibor bering (word limit).
  6. Arizaning grammatik hamda stilistik jihatdan to’g’ri to’ldirilganligiga ahamiyat bering.
  7. Arizani jo’natishdan oldin undan nusxa ko’chirib oling.

Qabul qilingan hujjatlar qaytarilamaydi. Barcha hujjatlar ingliz tilida bo’lishi va quyidagi manzilga pochta orqali yuborilishi zarur:

Scholarships Office
University of Westminster
Cavendish House
101 New Cavendish Street
London W1W 6XH
United Kingdom

Universitetga kirish uchun talab qilinadigan hujjatlar:

  1. Ariza (tanlangan kursga qarab yuklab olinadi va to’ldiriladi).
  2. Yuqori maktab attastati yoki litsey/kollej diplomi (ingliz tilidagi tarjimasi bilan).
  3. Baholar (diplom ilovasi).
  4. IELTS 6.0 va undan baland, har bir bo’limdan kamida 5.5 ball (ba’zi yo’nalishlarda bundan balandroq ball talab qilinishi mumkin).
  5. Nomzodning tanlagan yo’nalishiga qarab suhbatdan o’tish, partfolio jamlanmasini topshirish yoki boshqa qo’shimcha hujjatlar talab qilinishi mumkin. Batafsil

Universitetga hujjat topshiruvchilarning soni juda ko’pligini hisobga olgan holda hujjat topshirish faqat pochta orqali amalga oshiriladi. Hujjatlarning o’z vaqtida yetib borishiga nomzodning o’zi javobgar hisoblanadi. Kechikib yetib kelgan hujjatlar ko’rib chiqilmaydi.

Grant haqidagi to’liq ma’lumotni unversitetning rasmiy sayti yoki savol–javoblardan bilib­­­­­­­­­­ olishingiz mumkin. Murojaat uchun:

Tel: +44 (0)20 7911 5000

Email: course-enquiries@westminster.ac.uk

error: Ma‘lumotni nusxalash ta‘qiqlangan!