Xitoyning Fujian Normal universitetida o‘qiyotgan yoki o‘qishga hujjat topshirayotganlar uchun Fujian Normal University President Scholarship 2017-2018 dasturi e’lon qilindi.
Grant kimlar uchun?
Fujian Normal Universitetiga bakalavr/magistrlik/doktorlik bosqichida o‘qishga hujjat topshirayotganlar va shu bosqichlarda ta’lim olayotganlar uchun
Batafsil ma'lumot uchun link
Grantning manfaatli jihatlari:
Stipendiyani qo‘lga kiritgan talabalar quyidagi moddiy ta’minotlar bilan ta’minlanadi:
- Ta’lim puli (tuition fee) to‘lab beriladi.
- 11 oylik turar joy bilan ta’minlanadi.
- 11 oy davomida: bakalavrlar – 800 Xitoy yuani (bugungi kurs bo‘yicha 117 AQSh dollari); magistrlar – 1000 Xitoy yuani (146 AQSh dollari); doktorlik bosqichida o‘qiyotganlar 1200 Xitoy yuani (175 AQSh dollar) miqdoridagi oylik stipendiya bilan ta’minlanadi.
Barcha talabalar har 2018-yilning may oyida maxsus test topshirishlari va xuddi shu shartlardagi stipendiyani 2018-2019-o’quv yili uchun ham yutib olishlari mumkin.
Talablar:
Ushbu stipendiyani qo‘lga kiritishni xohlovchi nomzodlar quyidagi hujjatlarni ingliz yoki xitoy tilida to‘ldirilgan holda topshirishi lozim:
- Ariza. Arizani SHU YERDAN yuklab olishingiz mumkin.
- Pasport nusxasi.
- Diplom va baholarning tarjima qilingan va notariusdan tasdiqlangan shakli.
- HSK (xitoy tilini bilish darajsini tasdiqlvchi hujjat) nusxasi.
- Tibbiy ma’lumotnoma.
- O‘quv rejasi.
- Ikkita tavsiyanoma.
- 18 yoshga to‘lmaganlar uchun Xitoyda qaramog‘ida olishi mumkin bo‘lgan ishonchli tanishi (do‘sti, qarindoshi, kursdoshi va hk) haqidagi hujjat.
Qo‘shimcha ma’lumot olish uchun iccsfjnu@263.net email adresiga yoki +86-591-83434244raqamiga murojaat qilishingiz mumkin
