Yangi Zelandiyada joylashgan University of Otago 2019-2020 o‘quv yili uchun Alan Musgrave Master’s Scholarship in Philosophy grant dasturiga arizalar qabul qilmoqda. Grant universitetning barcha magistratura dasturlariga o‘qishga qabul qilingan iqtidorli va a’lochi talabalarga beriladi. Grant 2 yilga ajratilishi rejalashtirilgan.
Grant kimlar uchun?
Magistratura bosqichi uchun
Batafsil ma'lumot uchun link
Grantning manfaatli jihatlari:
- Nomzodlarga 2 yil davomida yiliga 15 000 NZD (tahminan 9 792 AQSh dollari) miqdoridagi stipendiya ajratiladi.
- Boshqa chet ellik talabalar uchun mahalliy talaba toʻlaydigan hajmda kontrakt puli toʻlab beriladi.
Talablar:
Nomzodlar quyidagi talablarga mos boʻlishi kerak:
- Nomzod istalgan davlat fuqarosi bo‘lishi mumkin.
- Nomzod University of Otagoga magistratura kurslaridan biriga o‘qishga qabul qilingan bo‘lishi/qilinishi kerak.
- Nomzod magistratura kursida kunduzgi tartibda o‘qishi kerak.
- Nomzod bakalavr bosqichini a’lo baholar (80% va undan yuqori) bilan tamomlagan bo‘lishi kerak.
- Nomzod ingliz tilini yaxshi bilishi zarur.
Dasturga qabul jarayoni:
Grant University of Otago magistratura kurslarida oʻqish uchun beriladi. Shuning uchun nomzod avval oliygohga oʻqishga ariza berishi kerak. Oʻqishga kirish uchun dedlayn muddati shu yilning 1-sentabri. Oʻqishga kirish qanday amalga oshirilishi va qabul talablari: shu yerda koʻrsatilgan.
Oʻqishga nomzod shu yer orqali hujjat topshiradi. Jarayonni boshlashdan avval yoʻriqnoma bilan batafsil tanishing.
Talab etiladigan hujjatlar
- Ariza.
- Bakalavr diplomi.
- Diplom ilovasi/baholar.
- CV/Rezyume.
- Research proposal/Preliminary research outline.
- Departmental support letter.
- Til sertifikati. IELTS 7.0 har bir bo‘limdan kamida 6.5 ball.
- 2 ta tavsiyanoma.
Qoʻshimcha hujjatlar soʻralishi mumkin. Barcha hujjatlar ingliz tilida bo‘lishi, ingliz tilida bo‘lmagan hujjatlar notarial tasdiqlangan tarjimasi bilan taqdim etilishi kerak. Kirish talablari: shu yerda berilgan.
Nomzodlarni saralash ularning tadqiqotga oid ma’lumotlar bilan tanishligi, a’lo baholari, ilmiy salohiyati kabilarga koʻra amalga oshiriladi.
Natijalar dedlayndan keyin imkon qadar tez fursatda xabar qilinadi.
Bogʻlanish uchun: university@otago.ac.nz
