×

Yaponiya: Magistratura uchun toʻliq grant; barcha xarajatlar qoplanadi; joy – 15ta!


Grant

MUHLAT

31.10.2019

QOLGAN VAQT

Muhlat tugagan

HUDUD

Yaponiya

O'QILGAN

3083 marta

Yaponiya hukumati 2020-2021-oʻquv yili uchun Human Resourse Development Scholarship grant dasturiga qabul e’lon qildi. Inson resurslarini rivojlantirish uchun stipendiya dasturi (JDS) Yaponiya davlatining grant dasturi boʻlib, dasturning maqsadi grant oluvchi mamlakatlarda inson resurslarini rivojlantirishga yordam berishdan iborat. JDS loyihasi kelajak rahbari sifatida ijtimoiy va iqtisodiy rivojlanish rejalarini amalga oshirishda ishtirok etishi kutilayotgan yuqori malakali yosh xodimlarga (asosan hukumatlar) qaratilgan. Grant 15 nafar talabaga beriladi. Oʻqish ingliz tilida olib beriladi.

JDS stipendiatlari Yaponiya bilan keng bilimga ega boʻlgan mamlakatlar va Yaponiya oʻrtasidagi ikki tomonlama munosabatlarni kengaytirishga yordam beradi.

JDS loyihasi Yaponiya universitetlarida ingliz tilida ikki yillik magistratura ixtisosligi boʻyicha oʻqishni taklif etadi. JDSning oʻquvchilari texnologik muhitda bevosita ilgʻor bilimlarni oʻrganish hamda keng inson tarmoqlarini yaratish uchun maxsus imkoniyatga ega boʻladilar.

Grant kimlar uchun?

Magistraturada oʻqishni istaganlar uchun

Batafsil ma'lumot uchun link

Grantning manfaatli jihatlari:

Grant yutib olgan 15 nafar nomzodning Yaponiyada oʻqish, yashash va bundan boshqa barcha xarajatlari toʻliq qoplab beriladi.

Talablar:

Nomzod quyidagi talablarga mos boʻlishi kerak:

  1. Nomzod Oʻzbekiston Respublikasi fuqarosi boʻlishi kerak
  2. Nomzodning yoshi 25 dan 40 yoshgacha ((2020 yil 1 aprel holatiga koʻra) ya’ni 2 aprel 1979 yil va undan keyin, 1995 yil 1 aprel yoki 1 aprelgacha tugʻilgan boʻlishi kerak.
  3. Nomzod Oʻzbekiston Respublikasi Hukumati tomonidan rasman e’tirof etilgan oliy oʻquv yurtida bakalavr darajasiga ega boʻlishi lozim.
  4. Nomzod maqsadli tashkilotlardan birining doimiy ishchisi boʻlishi (shartnoma asosida ishlaydigan vaqtinchalik ishlaydigan xodimlar yoki yarim vaqtda ishga joylashish asosida chiqarilgan bundan mustasno) kerak.
  5. Nomzod tashkilotda kamida 2 yillik toʻliq ish tajribasiga ega boʻlishi lozim.
  6. Nomzod turli xil maqsadli boʻlinmalarda ishlagan boʻlsa, umumiy ish tajribasini jamlaydi.
  7. Nomzod ingliz tilida yaxshi ogʻzaki va yozma darajaga ega boʻlish kerak. 5,5 va undan yuqori IELTS baliga ega boʻlishi kerak / TOEFL test tizimida 500-550 ball (Sertifikatning mavjudligi shart emas).
  8. Nomzod jismonan va aqlan sogʻlom boʻlishi kerak.
  9. Xorijiy jamgʻarmalar tomonidan hozirgi kunda stipendiya olayotgan yoki olishi kutilayotganlar bu grantga ariza bera olmaydi.
  10. Chet eldagi OTMda bakalavriat, magistr yoki doktorlik darajasini grant asosida olganlar yoki oʻzlarining mablagʻlari hisobidan oʻqiganlar grantga ariza bera olmaydi.
  11. Qurolli kuchlar safida yoki muqobil harbiy xizmatda xizmatni oʻtayotgan harbiy xizmatchilar va harbiylar grantga ariza bera olmaydi.
  12. Vaqtinchalik ish bilan ta’minlanganlar grantga ariza bera olmaydi.
  13. Ayollardan kelib tushadigan arizalarga koʻproq imkoniyat beriladi.
  14. Grant olish uchun nomzod jismonan va ruhiy jihatdan sogʻlom boʻlishi kerak: JDS loyihasiga ariza topshirish vaqtida va ta’limdan soʻng Yaponiyadan qaytganidan keyin. Grant olgach, JDS Akademiyasining oʻzi roʻyxatdan oʻtishi kerak boʻlgan universitet dasturiga toʻliq bagʻishlanishi kerak. Bundan tashqari, agar u Yaponiyaga ketgunga qadar sogʻligida jiddiy holatlar (masalan, homiladorlik va h.k.) shuningdek, salomatlik holatida sezilarli farqlar mavjud boʻlsa va universitet bunday holatda ta’lim maqsadiga muvofiqlashishiga toʻsqinlik qilayotganligini aniqlasa, stipendiya universitet boshqaruvi qaroriga asosan toʻxtatilishi mumkin.
  15. JDS bitiruvchilari JDS shartnoma imzolashi va Oʻzbekiston hukumati tomonidan belgilab qoʻyilgan majburiyatlarni oʻz zimmalariga olishlari kerak.
  16. JDS bitiruvchilari oʻqish tugaganidan soʻng Oʻzbekistonga qaytib kelishlari va yuqorida aytilgan shartnomaga asosan Oʻzbekiston rivojiga hissa qoʻshadigan maqsadli tashkilotlarda kamida uch yil ishlab beradi.

Dasturga qabul jarayoni:

Hujjatlar 2019-yil 31-oktabrgacha qabul qilinadi. Dastur haqida toʻliq ma’lumot olishni istaganlar maxsus seminarlarda qatnashishlari mumkin. Seminarlar haqida: shu yerda tanishing.

Hujjat topshirish jarayoni quyidagicha amalga oshiriladi:

  1. Dastlab qay tartibda hujjat topshirish haqida yoʻriqnoma bilan batafsil tanishing.
  2. Hujjatlar tarkibi ariza toldirish jarayonida ma’lum qilinadi.

Kerakli hujjatlar (taxminiy):

  • Toʻldirilgan ariza.
  • Bakalavr diplomi va ilovasi.
  • Ingliz tili sertifikati.
  • Ish tajribasi haqida hujjat.
  • Cv/resume.
  • Motivatsion xat yoki esse soʻralishi mumkin.

Hujjat topshirish tartibi va kerakli hujjatlarni toʻliq: shu yerdan va shu yerdan olasiz.

Ma’lumot uchun: jds.uzbekistan1@jice.org

error: Ma‘lumotni nusxalash ta‘qiqlangan!