×

Vengriya: barcha bosqichlar uchun to’liq grantlar; bepul turar joy va oylik stipendiya beriladi!


Grant

MUHLAT

15.01.2021

QOLGAN VAQT

Muhlat tugagan

HUDUD

Vengriya

O'QILGAN

6625 marta

Vengriya hukumati mamlakat universitetlarining bakalavriat, magistratura va doktorantura bosqichlari, shuningdek, tayyorlov kurslarida taʼlim olishni istagan nomzodlar uchun 2021-2022-oʻquv yillariga grantlar dasturini taklif etadi. Stipendium Hungaricum Scholarship Programme – Vengriya stipendiyasi dasturi taʼlimning barcha bosqichlarini qamrab oladigan toʻliq va 1-2 semestr (almashuv dasturi)ga moʻljallangan grantlardan iborat.

Stipendium Hungaricum Scholarship Programme 2020-2021-oʻquv yilida 5000 dan ortiq talabalarga stipendiya ajratgan. Kelgusi o’quv yilida ham shuncha talabaga grant beriladi. Dastur Vengriya hukumati va turli davlatlarning taʼlim vazirliklari orasidagi ikki taraflama hamkorlik kelishuviga muvofiq 5 ta kontinentdan 70 dan ortiq davlatlarni qamrab oladi. Oʻzbekiston ushbu mamlakatlat tarkibiga kiradi. Grantning maqsadi – Yevropa standartlari asosida yuqori malakali mutaxassis kadrlar tayyorlash.

Stipendium Hungaricum Scholarship Programme quyidagi bosqichlar uchun ajratiladi:

  1. Bakalavriat – 2-4 yil.
  2. Magistratura 1,5-2 yil.
  3. Bir bosqichli magistratura -5-6 yil.
  4. Doktorantura 4 yilgacha (yana 2 yil qoʻshilishi mumkin).
  5. Tayyorlov kurslari 1 yillik venger tilini oʻrganish kurslari.
  6. Ixtisoslik kurslari 1 yil.

Almashuv dasturi boʻyicha oʻqish 1-2 semestrni tashkil etadi. Dastur yakunlanganda sertifikat beriladi.

Grant doirasida 2021-2022-yilda oʻzbekistonliklar uchun barcha bosqichlar – bakalavr, magistratura va doktorantura uchun grantlar mavjud. Shu grantni yutib olgan hamyurtimiz bilan uyishtirilgan suhbatni bu yerda o’qishingiz mumkin.

Grant kimlar uchun?

Bakalavriat, magistratura va doktoranturada oʻqishni xohlovchilar uchun

Batafsil ma'lumot uchun link

Grantning manfaatli jihatlari:

Grant yutib olgan nomzodlarga quyidagi imtiyozlar yaratib beriladi:

  1. Universitetda oʻqish puli toʻliq qoplanadi.
  2. Tayyorlov kurslari, bakalavriat, magistratura va bir bosqichli magistratura talabalari uchun oʻqish davri yakunlangunga qadar yashash uchun bepul turar joy yoki oyiga taxminan 120 yevrodan stipendiya toʻlanadi.
  3. Stipendiat taʼlim muddati tugagunicha yilda bir marta tibbiy sugʻurta uchun 275 yevro mablagʻ bilan taʼminlanadi.

Stipendiya dasturlari ovqatlanish, oʻquv qurollari kabi boshqa xarajatlarni qoplamaydi. Universitet turar joyida yashamaydigan talabalar uchun ajratiladigan stipendiya ijara haqini toʻlashga yetmasligi mumkin. Shu sababli, Vengriyada ijara narxlari bilan tanishish tavsiya etiladi. Maʼlumot: shu yerda.

Talablar:

Nomzod quyidagi talablarga mos boʻlishi kerak:

  1. Vengriya bilan ikki taraflama hamkorlik kelishuviga aʼzo davlat fuqarosi ariza topshira oladi (Oʻzbekiston bunday shartnomaga ega).
  2. Nomzod Vengriya universitetlaridan birida oʻqitiladigan mos keladigan kurslarga ariza topshirgan boʻlishi kerak.
  3. Oʻqishga qabul qiluvchi universitetlar va dasturlar. Tashkilot va dasturni shu yerda izlab toppish mumkin.
  4. Nomzod taʼqiqlangan faoliyat bilan shugʻullanmasligi qoidalarga amal qilishi lozim (masalan, bakalavriat talabasi doktoranturaga murojaat qilishi, magistr darajasi egasi yana magistraturaga ariza berishi, Rossiyada yashovchi oʻzbek oʻzbek agentligi orqali hujjat topshirishi va boshqalar).

Kimlar ariza topshira olmaydi?

  1. Vengriya fuqarolari.
  2. Qochoq muhojirlar.
  3. 18 yoshga toʻlmaganlar.
  4. Vengriyada magistraturada oʻqigan bitiruvchi bakalavriatga hujjat topshira olmaydi.
  5. Mamlakatda doktoranturada oʻqiyotgan tadqiqotchi magistraturaga ariza bera olmaydi.
  6. Avval ushbu stipendiyani toʻliq olgan talabgorlar (masalan, 4 yil bakalavriatda Stipendium Hungaricum stipendiyasini olgan boʻlsa) va boshqalar.

Arizasi qabul qilinmaydigan talabgorlar haqida toʻliq: shu yerda tanishing.

Dasturga qabul jarayoni:

Hujjatlar 2021-yil 15-yanvarga qadar qabul qilinadi. Stipendiyaga ariza berish uchun avval universitetga qabul uchun ariza topshirish kerak. Ariza onlayn tarzda topshiriladi. Onlayn ariza: shu yerda topshiriladi (16-noyabrdan keyin). Ariza berishdan avval hamma hujjatlar va talablar haqida batafsil ma’lumotlarni: shu yerdan oʻrganib chiqing.

Bakalavr, magistratura va almashinuv kurslari uchun grant nizomi bu yerda.

Doktorantura uchun grant nizomi bu yerda.

Tizimga joylayotganda hujjatlarning maksimal hajmi 4 mbdan oshmasligi kerak, shunga e’tibor bering.

Hujjatlar tarkibi:

  1. Onlayn ariza (koʻpi bilan 2 yil oldin olingan fotosurat bilan birga).
  2. Motivatsion xat (kamida bir bet, tanlangan taʼlim tili/ingliz yoki venger tilida).
  3. Til sertifikati (CEFR B2-C1, IELTS 6.0-8.0).
  4. Maʼlumot haqidagi hujjat (attestat, diplom, tanlangan taʼlim tili yoki venger tiliga tarjima qilingan).
  5. Baholar varagʻi (diplom ilovasi, tanlangan taʼlim tili yoki venger tiliga tarjima qilingan).
  6. Tibbiy sertifikat/maʼlumotnoma.
  7. Paspot nusxasi.

Stipendiyaga ariza berish

Stipendiya dasturida qatnashish uchun sizni oʻqishga qabul qilishga rozilik bildirgan universitetdan tasviyanoma kerak boʻladi. Buning uchun universitet bilan bogʻlanib, masalaga oydinlik kiriting. Dedlaynga qadar tavsiyanomaning skaner nusxasini onlayn tizimga joylashtiring.

Natijalarning eʼlon qilinishi

Stipendiya dasturiga topshirilgan nomzodlarning arizalariga universitetda oʻqish boshlangunga qadar javob beriladi.

Umumiy savollar boʻyicha murojaat uchun:

Manzil: Tempus Public Foundation

1077 Budapest, Kéthly Anna tér 1.

Telefon: +36 (1) 236-5040

Elektron manzil: stipendiumhungaricum@tpf.hu

Skype: stipendiumhungaricum

error: Ma‘lumotni nusxalash ta‘qiqlangan!